The Cambodia Daily ពលរដ្ឋខ្មែរអាមេរិកសហការជាមួយពលរដ្ឋខ្មែរក្នុងស្រុក បង្កើតមូលនិធិកង់សម្រាប់សិស្សក្រីក្រនៅខេត្តបន្ទាយមានជ័យ
ពលរដ្ឋខ្មែរអាមេរិកាំងសហការជាមួយពលរដ្ឋខ្មែរក្នុងស្រុក ប្រកាសបង្កើតមូលនិធិកង់សម្រាប់សិស្សក្រីក្រនៅខេត្តបន្ទាយមានជ័យ ក្រោមពាក្យស្លោក «កង់មួយគ្រឿងប្តូរអនាគតមួយ»។ ពលរដ្ឋខ្មែរអាមេរិកាំងក្នុងរដ្ឋ North Carolina និងពលរដ្ឋខ្មែរនៅទីក្រុងភ្នំពេញ បានចេញសេចក្តីជូនដំណឹងនៅថ្ងៃទី៥ មីនា នេះ ដោយប្រកាសជួបជុំប្រារព្ធពិធីមូលនិធិកង់នៅថ្ងៃទី២៤ ខែឧសភា ឆ្នាំ២០២៦ ចាប់ពីវេលាម៉ោង ១០ព្រឹក ដល់ម៉ោង ៥ល្ងាច ដែលមានទីតាំងស្ថិតនៅក្នុងក្រុង Lexington នៃរដ្ឋ North Carolina។ សេចក្តីជូនដំណឹងដដែលនេះ អះអាងថា កង់ទាំងនេះនឹងត្រូវប្រគល់ជូនសិស្សក្រីក្រដែលបានផ្លាស់ទីលំនៅដោយសារជម្លោះព្រំដែនកម្ពុជា-ថៃ នៅឃុំឫស្សីក្រោក ស្រុកមង្គលបុរី ខេត្តបន្ទាយមានជ័យ ព្រោះនៅតំបន់ជនបទ កង់គឺជាជំនួយដ៏សំខាន់សម្រាប់ជីវិតប្រចាំថ្ងៃ ដូចជា អាចធ្វើដំណើរទៅសាលាសម្រាប់ការសិក្សា និងសម្រាប់ប្រើប្រាស់ទៅតាមតម្រូវការផ្សេងៗក្នុងគ្រួសារ ជាដើម។ ប្រភពដដែលបញ្ជាក់ថា សម្រាប់កង់មួយតម្លៃ ៦៥ដុល្លារ នឹងត្រូវប្រគល់ជូនសិស្សម្នាក់ ចំណែកកង់ពីរតម្លៃ ១៣០ដុល្លារសម្រាប់សិស្សពីរនាក់ ខណៈកង់ប្រាំតម្លៃ ៣២៥ដុល្លារ សម្រាប់សិស្ស ៥នាក់ និងកង់ ១០ តម្លៃ ៦៥០ដុល្លារ គឺសម្រាប់ប្រគល់ឱ្យសិស្ស ១០នាក់។ មូលនិធិនេះធ្វើឡើងស្របពេលដែលពលរដ្ឋភៀសសឹកដោយជម្លោះព្រំដែនកម្ពុជា-ថៃ នៅតែមិនអាចវិលត្រឡប់ទៅភូមិកំណើតវិញបានក្នុងពេលនេះ ទោះមានបទឈប់បាញ់ហើយក៏ដោយ។ ក្រសួងមហាផ្ទៃ […] The post ពលរដ្ឋខ្មែរអាមេរិកសហការជាមួយពលរដ្ឋខ្មែរក្នុងស្រុក បង្កើតមូលនិធិកង់សម្រាប់សិស្សក្រីក្រនៅខេត្តបន្ទាយមានជ័យ appeared first on The Cambodia Daily Khmer .