O territorio pode entenderse como un campo de tensión e pertenza, pero que acontece cando esa pertenza é múltiple? Que formas adopta a identidade cando medra entre dous contextos culturais e lingüísticos distintos? Para a artista Sabrina Fernández Casas, vivir entre Suíza e Galiza non é unha escisión, senón un espazo fértil de relación. A súa obra xorde desa condición híbrida, onde o territorio deixa de ser unha superficie estábel para converterse nunha trama de vínculos e memorias compartidas.