حکومت پاکستان نے جمعہ کو پٹرول اور ہائی سپیڈ ڈیزل کی قیمت میں فی لیٹر 55 روپے کا اضافہ کرنے کا اعلان کیا ہے۔ یہ 17 فیصد کا اضافہ قرار دیا جا رہا ہے۔ اس اعلان کے بعد ملک میں اس ہفتے کے لیے ہائی سپیڈ ڈیزل کی قیمت 335.86 روپے فی لیٹر جبکہ پٹرول کی قیمت 266.17 روپے فی لیٹر سے بڑھا کر 321.17 روپے فی لیٹر کر دی گئی ہے۔ یہ اعلان وزیر پیٹرولیم علی پرویز ملک نے نائب وزیر اعظم اور وزیر خارجہ اسحاق ڈار اور وزیر خزانہ محمد اورنگزیب کے ہمراہ اسلام آباد میں ایک پریس کانفرنس میں کیا۔ نئی قیمتوں کا اطلاق رات 12 بجے سے ہوگیا ہے۔ تاہم اس اچانک بڑے اضافے پر حکومت کے اپنی اتحادی جماعت پیپلز پارٹی نے تنقید کی ہے۔ مرکزی ترجمان پاکستان پیپلز پارٹی پارلیمنٹرینز شازیہ مری نے پیٹرولیم مصنوعات کی قیمتوں میں اضافے پر شدید تشویش کا اظہار کیا۔ انہوں نے کہا کہ ان کی جماعت یہ اضافہ مسترد کرتی ہے۔ ایک بیان میں شازیہ مری کا کہنا تھا کہ ’پیٹرول اور ڈیزل کی قیمتوں میں یہ اضافہ عوام پر بڑا معاشی بوجھ ہے۔ رمضان المبارک میں دوسری بار قیمتوں میں اضافہ انتہائی افسوسناک ہے۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انہوں نے اس خدشے کا اظہار کیا کہ اس اضافے سے مہنگائی کی نئی لہر آئے گی اور عوام کی مشکلات بڑھیں گی۔ ’حکومت کو عوام کو ریلیف دینے کے بجائے مزید بوجھ ڈالنے سے گریز کرنا چاہیے۔‘ شازیہ مری نے مطالبہ کیا کہ حکومت فوری طور پر قیمتوں میں اضافے کا فیصلہ واپس لے۔ نائب وزیر اعظم اسحاق ڈار نے پریس کانفرنس میں کہا کہ ایران، امریکہ اور اسرائیل کے درمیان جاری جنگ کے بارے میں بات کرتے ہوئے کہا کہ یہ تنازع پھیل چکا ہے جس کی وجہ سے پیٹرولیم مصنوعات کی قیمتیں بڑھ رہی ہیں۔ لیکن پاکستان میں، انہوں نے کہا کہ وزیر اعظم شہباز شریف نے ’احتیاط سے کام لیا ہے اور پچھلے دو سے تین ہفتوں سے مشاورت جاری ہے۔‘ ان کا کہنا تھا کہ ایک مستقل کمیٹی ہے جو علی پرویز ملک اور اورنگزیب کی قیادت میں باقاعدگی سے صورت حال کا جائزہ لیتی ہے۔ ڈار نے کہا کہ حکومت مشرق وسطی کی صورتحال کو کم کرنے کے لیے دوسرے ممالک کے ساتھ کام کرنے کی کوششیں کر رہی ہے، ’لیکن خدا جانتا ہے کہ اس میں کتنا وقت لگے گا۔‘ پیٹرولیم مصنوعات قیمت ایران جنگ نئی قیمتوں کا اطلاق رات 12 بجے سے ہوگیا ہے۔ تاہم اس اچانک بڑے اضافے پر حکومت کے اپنی اتحادی جماعت پیپلز پارٹی نے تنقید کی ہے۔ انڈپینڈنٹ اردو ہفتہ, مارچ 7, 2026 - 04:45 Main image:

یہ اعلان وزیر پیٹرولیم علی پرویز ملک نے نائب وزیر اعظم اور وزیر خارجہ اسحاق ڈار اور وزیر خزانہ محمد اورنگزیب کے ہمراہ اسلام آباد میں ایک پریس کانفرنس میں کیا (سکرین گریب پ ٹی وی)

type: news related nodes: ’پاکستان کے پاس پیٹرول کا 28 روزہ ذخیرہ‘، وزارت پیٹرولیم کو ترسیل کی سعودی یقین دہانی گیس کی قیمتوں میں آئندہ چھ ماہ تک اضافہ نہ کرنے کا فیصلہ: وزیر پیٹرولیم ڈیزل کی قیمت میں 14 روپے فی لیٹر کمی، پیٹرول کا نرخ برقرار ڈیزل کی قیمت میں 6 روپے فی لیٹر اضافہ، پیٹرول کا نرخ برقرار SEO Title: پٹرول اور ہائی سپیڈ ڈیزل کی قیمتوں میں 55 روپے فی لیٹر اضافہ: حکومت copyright: show related homepage: Hide from Homepage