O Concello de Baiona vén de presentar «Baiona Lila 2026», un completo programa de actividades para conmemorar o 8 de marzo, Día Internacional da Muller. A iniciativa, subvencionada pola Deputación de Pontevedra no marco da segunda liña do Plan Máis Provincia 2026, propón unha combinación de música, humor, teatro e accións formativas dirixidas a todos os públicos, co obxectivo de fomentar a igualdade e a sensibilización social.