O XXVII Salón Internacional do Libro Infantil e Xuvenil de Pontevedra botou a andar onte no Pazo da Cultura e ten por diante 16 xornadas máis de actividade ata o vindeiro 22 de marzo. A edición deste ano, que leva por lema «Que non pare a música!», desenvolverase en distintos espazos do Pazo, no recinto feiral e tamén no Teatro Principal, cun horario de tarde entre semana e de mañá e tarde nas fins de semana.