Presidenti i Iranit thotë se kërkesa e Trumpit për dorëzim të pakushtëzuar “është një ëndërr”. Presidenti i Iranit ka thënë se një kërkesë e bërë nga SHBA-ja për dorëzim të pakushtëzuar është “një ëndërr që ata duhet ta marrin me vete në varr”. Masoud Pezeshkian bëri këtë deklaratë në një fjalim të regjistruar paraprakisht që u transmetua nga televizioni shtetëror. Siç raportuam më parë, në një postim në Truth Social, Donald Trump tha se “nuk do të ketë marrëveshje me Iranin përveç DORËZIMIT TË PAKUSHTEZUAR!” Trump: Nuk ka marrëveshje me Iranin pa dorëzim pa kushte Pezeshkian gjithashtu u kërkoi falje fqinjëve për sulmet ndaj tyre, duke sugjeruar se ato ishin shkaktuar nga keqkomunikimi brenda radhëve. Ai tha se këshilli i përkohshëm i udhëheqjes kishte miratuar pezullimin e sulmeve të tilla, përveç nëse një sulm ndaj Iranit vinte nga ato vende. Deklarata e tij u transmetua pas sulmeve të përsëritura të shtunën në mëngjes ndaj Bahrejnit, Arabisë Saudite dhe Emirateve të Bashkuara Arabe. /Telegrafi/