Öflug sprenging kvað við nærri bandaríska sendiráðinu í norsku höfuðborginni Ósló laust fyrir klukkan eitt að staðartíma í nótt. Fjölmennt lögreglulið er við sendiráðið samkvæmt frétt norska ríkisútvarpsins NRK og á í samskiptum við starfsfólkið. Samkvæmt upplýsingum lögreglu virðist engan hafa sakað. Enn skortir upplýsingar um hvað nákvæmlega gerðist og hverjir kunni að eiga hlut að máli. Fréttin verður uppfærð.