ایران کے خلاف امریکہ اور اسرائیل کی مشترکہ جنگ آٹھویں روز بھی جاری ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ جنگ کے پہلے دن کا احوال — دوسرے دن کا احوال — تیسرے دن کا احوال — چوتھے دن کا احوال — پانچویں دن کا احوال — چھٹے دن کا احوال — ساتویں دن کا احوال — آٹھویں دن کے احوال کے لیے یہاں کلک کریں صبح 8 بج کر 30 منٹ:  تہران کے آئل ڈپو پر حملے اے ایف پی نے ایرانی سرکاری میڈیا کے حوالے سے رپورٹ کیا ہے کہ ہفتے کو تہران میں ایک آئل ڈپو پر امریکہ اور اسرائیل نے حملے کیے ہیں۔ سرکاری خبر ایجنسی ’ارنا‘ نے کہا: ’جنوبی تہران میں ایک آئل ڈپو کو امریکا اور صہیونی حکومت نے نشانہ بنایا۔‘ یہ ڈپو ایک اہم آئل ریفائنری کے قریب واقع علاقے میں تھا، لیکن ’ایلنا‘ نیوز ایجنسی نے رپورٹ کیا کہ ریفائنری کی تنصیبات ’فوجی حملوں میں نقصان سے محفوظ رہیں۔‘ اے ایف پی کے ایک صحافی کے مطابق تہران کے شمال مغرب میں واقع ایک اور آئل ڈپو پر بھی حملے ہوئے، جہاں مقام سے آگ کے شعلے اور دھواں اٹھتا دیکھا گیا۔ صبح 08 بجے: ناروے میں امریکی سفارت خانے میں دھماکہ: پولیس خبر رساں ادارے روئٹرز کے مطابق ناروے پولیس نے بتایا ہے کہ اوسلو میں اتوار کی صبح امریکی سفارت خانے میں دھماکہ ہوا، جس سے معمولی نقصان ہوا، تاہم کوئی زخمی نہیں ہوا۔ عینی شاہدین نے ناروے کے روزنامہ ’ویردنز گانگ‘ کو بتایا کہ سفارت خانے کے احاطے کے اطراف سے دھواں اٹھتا دیکھا گیا۔ فوری طور پر یہ واضح نہیں ہو سکا کہ دھماکے کی وجہ کیا تھی یا اس میں کون ملوث تھا۔ امریکی محکمہ خارجہ نے تبصرے کی درخواست پر فوری طور پر کوئی جواب نہیں دیا۔ صبح 7 بج کر 30 منٹ: ایران سے مذاکرات میں دلچسپی نہیں: ٹرمپ امریکی صدر ڈونلڈ ٹرمپ نے کہا ہے کہ انہیں ایران کے ساتھ مذاکرات میں کوئی دلچسپی نہیں۔ انہوں نے یہ امکان بھی ظاہر کیا کہ ایران کی جنگ اسی وقت ختم ہو گی جب تہران کے پاس نہ کوئی فعال فوج باقی رہے گی اور نہ ہی اقتدار میں کوئی قیادت۔ روئٹرز کے مطابق ہفتے کو ایئر فورس ون میں صحافیوں سے گفتگو کرتے ہوئے ٹرمپ نے کہا کہ فضائی مہم مذاکرات کو بے معنی بنا سکتی ہے کہ اگر ایران کی تمام ممکنہ قیادت مار دی جائے اور ایرانی فوج تباہ کر دی جائے۔ ٹرمپ نے کہا، ’کسی وقت میرا خیال ہے کہ شاید وہاں یہ کہنے والا بھی کوئی نہیں بچے گا کہ ہم ہتھیار ڈال دیتے ہیں۔‘ صبح 7 بجے: ایران چھ ماہ تک جنگ لڑ سکتا ہے: پاسداران انقلاب اے ایف پی کے مطابق ایران کی پاسدارانِ انقلاب نے اتوار کو فارس نیوز ایجنسی کی جانب سے جاری ایک بیان میں کہا ہے کہ ایران کم از کم چھ ماہ تک امریکہ اور اسرائیل کے خلاف شدید جنگ لڑ سکتا ہے۔ پاسداران انقلاب کے ترجمان علی محمد نائینی نے کہا: ’اسلامی جمہوریہ ایران کی مسلح افواج موجودہ رفتارِ کارروائی کے ساتھ کم از کم چھ ماہ تک شدید جنگ جاری رکھنے کی صلاحیت رکھتی ہیں۔‘ پاسداران انقلاب نے یہ بھی کہا کہ انہوں نے خطے بھر میں امریکہ اور اسرائیل کے اڈوں اور تنصیبات سے متعلق ’200 سے زیادہ‘ مقامات کو نشانہ بنایا ہے۔ صبح 6 بج کر 30 منٹ: مشرق وسطی میں جنگ ’کبھی نہیں ہونی چاہیے تھی‘: چین چین کے اعلیٰ سفارت کار وانگ یی نے اتوار کو کہا ہے کہ مشرق وسطیٰ میں جنگ ’کبھی نہیں ہونی چاہیے تھی۔‘ انہوں نے بیجنگ میں ایک پریس کانفرنس سے خطاب کرتے ہوئے کہا: ’یہ ایسی جنگ ہے جو کبھی نہیں ہونی چاہیے تھی،‘ اور مزید کہا کہ ’طاقتور مکے کا مطلب نہیں طاقتور دلیل نہیں۔ دنیا جنگل کے قانون کی طرف واپس نہیں جا سکتی۔‘ صبح 6 بجے: ریاض میں سفارتی علاقے کو نشانہ بنانے والا ڈرون حملہ ناکام: سعودی عرب سعودی وزارت دفاع نے اتوار کو کہا کہ دارالحکومت ریاض میں سفارتی علاقے کو نشانہ بنانے والے ڈرون حملے کو ناکام بنا دیا گیا، اور اس میں نہ کوئی جانی نقصان ہوا اور نہ ہی کوئی نقصان پہنچا۔ وزارت نے ایکس پر جاری بیان میں کہا کہ ’ریاض کے سفارتی علاقے کو ڈرون کے ذریعے نشانہ بنانے کی کوشش ناکام بنا دی گئی۔ ڈرون کو مار گرانے کے نتیجے میں نہ کوئی مالی نقصان ہوا اور نہ ہی کوئی شہری زخمی ہوا۔‘ ایران اسرائیل امریکہ مشرق وسطیٰ عینی شاہدین نے ناروے کے روزنامہ ’ویردنز گانگ‘ کو بتایا کہ سفارت خانے کے احاطے کے اطراف سے دھواں اٹھتا دیکھا گیا۔ انڈپینڈنٹ اردو اتوار, مارچ 8, 2026 - 08:15 Main image:

ناروے کے دارالحکومت اوسلو میں امریکی سفارت خانے کی عمارت جہاں اتوار کی صبح دھماکے کی آواز سنی گئی (روئٹرز)

دنیا type: news related nodes: ایران کو ’انتہائی شدت‘ سے نشانہ بنائیں گے: صدر ٹرمپ امید ہے ایران دانش مندی سے کام لے گا: سعودی وزیر دفاع ایران سے غیرمشروط سرینڈر کے سوا کوئی ڈیل نہیں ہوگی: ٹرمپ ایران جنگ سے سب سے زیادہ فائدہ اٹھانے والا ملک کون سا ہے؟ SEO Title: ناروے میں امریکی سفارت خانے میں دھماکہ: پولیس copyright: show related homepage: Show on Homepage