Маж се поли со бензин и се самозапали во швајцарски градски автобус, загинаа шестмина Александра Спасеска 11.03.2026 / 10:22 Свет Шест лица загинаа, а најмалку четворица се повредени кога автобус со јавен превоз се запали во западна Швајцарија, соопшти полицијата во вторник вечерта. Тројца од повредените се во критична состојба, соопшти кантоналната полиција на Фрибург. Еден болничар, исто така, беше повреден за време на спасувачката операција. Инцидентот се случил во градот Керцерс, западно од главниот град Берн. Швајцарскиот весник Blick цитираше очевидец кој изјавил дека маж се полил со бензин и се самозапалил во автобусот. Полицијата соопшти дека пожарот е предизвикан од човечка активност. Пожарникарите го изгаснале пожарот, но автобусот бил целосно уништен. Снимките што кружеа на социјалните медиуми покажаа дека возилото е целосно зафатено од пламен и густ чад. Автобусот е во сопственост на PostAuto, која главно врши редовни услуги во руралните средини. Remote video URL Швајцарија Автор/Извор А.С. Прикажи во метро On