بتایا جا رہا ہے کہ ڈونلڈ ٹرمپ کی انتظامیہ نے گذشتہ سال کے وسط میں مہلک اور وسیع پیمانے پر استعمال ہونے والے ایرانی ڈرونز کے خلاف دفاعی نظام مضبوط بنانے میں مدد کی یوکرینی پیشکش کو نظر انداز کر دیا تھا۔ اب جبکہ ایرانی ڈرونز کی وجہ سے متعدد امریکی فوجیوں کی اموات ہوئی ہیں، امریکی حکام اس ابتدائی پیشکش کو نظر انداز کرنا ایک بڑی ’حکمت عملی کی غلطی‘ قرار دے رہے ہیں۔ ایک امریکی عہدیدار نے ایکسیوس کو بتایا: ’اگر ایران کے ساتھ اس جنگ سے پہلے ہماری کوئی حکمت عملی کی غلطی یا کوتاہی تھی تو وہ یہی تھی۔‘ گذشتہ اگست میں یوکرینی حکام نے مبینہ طور پر امریکہ کو کم لاگت والے یکطرفہ حملہ آور ایرانی شاہد ڈرون کا مقابلہ کرنے کے لیے جنگ میں آزمودہ ٹیکنالوجی فروخت کرنے کی کوشش کی۔ یہ وہی ڈرونز ہیں، جنہیں روس نے یوکرین کے خلاف جنگ میں اپنے اسلحہ خانے کا اہم حصہ بنایا۔ رپورٹ کے مطابق یوکرینیوں نے یہ تجویز 18 اگست 2025 کو وائٹ ہاؤس میں ہونے والی ایک بند کمرہ ملاقات میں پیش کی، جہاں یوکرین کے صدر وولودی میر زیلنسکی نے تعلقات مضبوط بنانے کے لیے ٹرمپ کو انٹرسیپٹر ڈرون کی پیشکش کی۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) بتایا جاتا ہے کہ اس پیشکش کے اختتام پر پاور پوائنٹ پریزنٹیشن کی سلائیڈز بھی دکھائی گئیں، جن میں بتایا گیا تھا کہ ایران کے ساتھ کسی ممکنہ جنگ کی صورت میں یہ ڈرون پورے مشرق وسطیٰ میں خطرہ بن سکتے ہیں۔ اطلاعات کے مطابق صدر نے اپنی ٹیم سے کہا تھا کہ یوکرین کی اس پیشکش کا جائزہ لیا جائے، تاہم اگلے چند مہینوں میں اس تجویز پر پیش رفت نہیں ہو سکی۔ ٹرمپ انتظامیہ کے بعض عناصر کا خیال تھا کہ زیلنسکی محض نمائش کر رہے ہیں۔ اس سے چند ماہ قبل اوول آفس میں ٹرمپ اور زیلنسکی کی ملاقات بھی ایک کشیدہ بحث میں بدل گئی تھی، جہاں امریکی صدر نے یوکرینی صدر پر الزام لگایا تھا کہ وہ امریکی مدد پر شکر گزار نہیں ہیں۔ یہ سب کچھ کیمروں کے سامنے ہوا۔ وائٹ ہاؤس کی ترجمان اینا کیلی نے دی انڈپینڈنٹ کو بتایا تھا: ’ایران کے جوابی حملے 90 فیصد تک کم ہو چکے ہیں کیونکہ ان کی بیلسٹک میزائل صلاحیتوں کو مکمل طور پر تباہ کیا جا رہا ہے۔ ان بزدل گمنام ذرائع کی یہ بات درست نہیں اور اس سے ظاہر ہوتا ہے کہ وہ محض باہر بیٹھ کر اندازے لگا رہے ہیں۔ وزیر پیٹ ہیگسیتھ اور مسلح افواج نے ایرانی حکومت کے ممکنہ ردعمل کے لیے شاندار منصوبہ بندی کی اور آپریشن ایپک فیوری کی غیر متنازع کامیابی خود اس کا ثبوت ہے۔‘ اب صورت حال بدل گئی ہے کیونکہ امریکہ کو براہ راست ایران کے شاہد ڈرونز سے خطرہ لاحق ہے۔ یوکرین کی اینٹی ڈرون ٹیکنالوجی ان بغیر پائلٹ طیاروں کو روکنے کے لیے مشرق وسطیٰ میں امریکی اور اتحادی اڈوں پر نصب مہنگے روایتی فضائی دفاعی نظام کے مقابلے میں کہیں زیادہ کم خرچ طریقہ سمجھی جا رہی ہے۔ اطلاعات کے مطابق فوجی رہنماؤں نے گذشتہ ہفتے قانون سازوں کو بریفنگ دی کہ ایرانی ڈرونز توقع سے کہیں بڑا چیلنج ثابت ہوئے ہیں کیونکہ امریکی فضائی دفاع تمام ڈرونز کو روک نہیں پا رہا۔ یوکرین کے صدر کے مطابق امریکہ نے اب مدد کے لیے زیلنسکی سے رابطہ کیا ہے اور یوکرین نے امریکی اڈوں کے تحفظ میں مدد کے لیے اردن میں ڈرون اور ماہرین بھی بھیجے ہیں۔ عوامی سطح پر یوکرین اتحادی ممالک سے مزید امریکی ساختہ پیٹریاٹ میزائل فراہم کرنے کی اپیل بھی کر رہا ہے۔ دوسری جانب امریکہ نے میدانِ جنگ میں اپنے نام نہاد لوکاس ڈرون بھی متعارف کروائے ہیں، جو کم قیمت ایرانی شاہد ڈرونز کی طرز پر تیار کیے گئے ہیں۔ رپورٹ کے مطابق صدر کے بیٹے ایرک ٹرمپ اور ڈونلڈ ٹرمپ جونیئر فلوریڈا میں قائم ایک ڈرون کمپنی کی حمایت کر رہے ہیں جو فوج کو ڈرون فراہم کر سکتی ہے۔ ایرانی ڈرونز سے درپیش چیلنجز کے باوجود امریکہ کا کہنا ہے کہ اس نے ایران کی فوجی صلاحیت کا بڑا حصہ مفلوج کر دیا ہے اور تیزی سے غیر مقبول ہوتی یہ جنگ جلد ختم ہو جائے گی، تاہم صدر اور ان کی ٹیم اس حوالے سے تفصیلات دینے سے گریزاں ہیں۔ ایران امریکہ ڈرون روس یوکرین جنگ وولودی میر زیلنسکی یوکرین رپورٹ کے مطابق گذشتہ سال اگست میں یوکرینی صدر نے وائٹ ہاؤس میں ٹرمپ کو تعلقات مضبوط کرنے کے لیے انٹرسیپٹر ڈرون کی پیشکش کی جبکہ اس موقعے پر ایک پاور پاور پوائنٹ پریزنٹیشن بھی دکھائی گئی۔ جوش مارکس بدھ, مارچ 11, 2026 - 14:30 Main image:

امریکی حکام 2025 میں یوکرین کی جانب سے ایران کے سستے مگر مؤثر شاہد ڈرونز کے خلاف مدد کی ابتدائی پیشکش قبول نہ کرنے کو حکمت عملی کی غلطی قرار دے رہے ہیں (تسنیم نیوز ایجنسی CC BY 4.0 /)

دنیا type: news related nodes: امریکہ نے ایران پر حملے کے لیے ایرانی ڈرون ہی کاپی کر لیا ایران جنگ: پاکستانی ماہی گیر کی بحیرہ عرب میں ڈرون ملبہ گرنے سے موت ایران کا تیل کے انفراسٹرکچر پر دباؤ برقرار، عالمی توانائی بحران کے خدشات میں اضافہ اب تک 172 بیلسٹک میزائل، 755 ڈرونز گرائے: متحدہ عرب امارات SEO Title: ایرانی شاہد ڈرون کے خلاف یوکرینی پیشکش نظرانداز کرنا ’حکمت عملی کی غلطی‘: امریکی حکام copyright: IndependentEnglish origin url: https://www.independent.co.uk/news/world/americas/us-politics/trump-iran-war-drone-attacks-ukraine-b2936070.html show related homepage: Show on Homepage