ایران کے خلاف امریکہ اور اسرائیل کی مشترکہ جنگ 15ویں روز بھی جاری ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ تازہ ترین اپ ڈیٹس 16ویں دن کے احوال کے لیے یہاں کلک کریں صبح 8 سات بج کر 30 منٹ: اتحادیوں نے آبنائے ہرمز کھلوانے میں مدد نہ کی تو نیٹو کا مستقبل ’بہت برا‘ ہو گا: ٹرمپ امریکہ کے صدر ڈونلڈ ٹرمپ نے کہا ہے کہ اگر امریکہ کے اتحادی ملکوں نے آبنائے ہرمز کھلوانے میں مدد نہ کی تو نیٹو کا مستقبل ’بہت برا‘ ہو گا۔ آبنائے ہرمز تیل برداری کے نہایت اہم راستہ ہے جو مشرق وسطیٰ میں جنگ کی وجہ سے عملاً بند ہو چکا ہے۔ فرانسیسی خبر رساں ادارے اے ایف پی کے مطابق اخبار دا فنانشل ٹائمز کو اتوار کو ایک مختصر انٹرویو میں ڈونلڈ ٹرمپ نے کہا کہ جس طرح امریکہ نے روس کے خلاف جنگ میں یوکرین کی مدد کی ہے، وہ توقع کرتے ہیں کہ یورپ آبنائے ہرمز کے معاملے میں مدد کرے گا، جس کی بندش نے دنیا بھر میں توانائی کی قیمتیں بہت بڑھا دی ہیں۔ ٹرمپ نے کہا کہ ’اگر اس پر کوئی جواب نہ آیا، یا منفی جواب آیا، تو میرے خیال میں یہ نیٹو کے مستقبل کے لیے بہت برا ہو گا۔‘ ٹرمپ برسوں سے اس اتحاد پر تنقید کرتے رہے ہیں اور کہتے رہے ہیں کہ وہ امریکہ کی فیاضی پر مفت فائدہ اٹھاتا ہے۔ ٹرمپ نے یہ بھی کہا کہ بیجنگ میں اپنے چینی ہم منصب شی جن پنگ کے ساتھ سربراہ ملاقات مؤخر ہو سکتی ہے، کیوں کہ وہ آبنائے کھلوانے کے لیے چین کی مدد پر زور دے رہے ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ٹرمپ کا کہنا تھا کہ ’ہم یہ اس سے پہلے جاننا چاہیں گے۔ اور یہ بھی کہا کہ چین کے ساتھ ساتھ کئی یورپی ممالک بھی امریکہ کے مقابلے میں خلیج سے آنے والے تیل پر زیادہ انحصار کرتے ہیں۔ ٹرمپ کے بقول: ’یہ بالکل مناسب ہے کہ جو لوگ آبنائے سے فائدہ اٹھاتے ہیں وہ یہ یقینی بنانے میں مدد کریں کہ وہاں کچھ برا نہ ہو۔‘ ٹرمپ نے الگ سے ایئر فورس ون میں اپنے ساتھ سفر کرنے والے صحافیوں سے کہا کہ امریکہ آبنائے ہرمز کو دوبارہ کھلوانے کے لیے مدد لینے کے سلسلے میں ’تقریبا سات‘ ممالک سے بات چیت کر رہا ہے۔ جب ان سے پوچھا گیا کہ وہ کس خاص قسم کی مدد چاہتے ہیں؟ تو ٹرمپ نے فنانشل ٹائمز کو بتایا کہ انہیں بارودی سرنگیں صاف کرنے والے جہازوں کے ساتھ ساتھ ’ایسے لوگ بھی چاہییں جو ایرانی ساحل کے ساتھ موجود کچھ شرپسند عناصر کو ختم کر سکیں۔‘ صدر ڈونلڈ ٹرمپ امریکہ ایران آبنائے ہرمز امریکی صدر کا کہنا ہے کہ جس طرح امریکہ نے روس کے خلاف جنگ میں یوکرین کی مدد کی، وہ توقع کرتے ہیں کہ یورپ آبنائے ہرمز کے معاملے میں مدد کرے گا۔ اے ایف پی سوموار, مارچ 16, 2026 - 09:00 Main image:

امریکی صدر ڈونلڈ ٹرمپ 15 مارچ 2026 کو ایئر فورس ون میں صحافیوں سے گفتگو کر رہے ہیں (اے ایف پی)

دنیا type: news related nodes: ایرانی جزیرے خارگ پر ’محض تفریح کے لیے حملے کریں گے‘: ٹرمپ متعدد ممالک آبنائے ہرمز کھلا رکھنے کے لیے جنگی جہاز بھیجیں گے: صدر ٹرمپ ایران آبنائے ہرمز کو بند رکھے گا: مجتبیٰ خامنہ ای کا پہلا بیان ایران جنگ کے پہلے ہفتے امریکہ کے 11.3 ارب ڈالر خرچ: رپورٹ SEO Title: اتحادیوں نے آبنائے ہرمز کھلوانے میں مدد نہ کی تو نیٹو کا مستقبل ’بہت برا‘ ہو گا: ٹرمپ copyright: show related homepage: Show on Homepage