Kylie Jenner tërhoqi vëmendjen në rrjetet sociale gjatë natës së Oscars 2026, duke mahnitur fansat me një pamje tepër provokuese. Ylli 28-vjeçar, e cila është në lidhje me aktorin e nominuar për Oscar, Timothee Chalamet, u shfaq me një fustan të kuq të gjatë nga Schiaparelli që theksonte format e saj. Ajo ndau pamjen me ndjekësit në Instagram përpara ceremonisë, përmes një videoje ku shihet duke përfunduar grimin, shkruan DailyMail. Në përshkrim shkroi: “Kush është Jessica?”, duke bërë një referencë ndaj personazhit Jessica Rabbit nga filmi Who Framed Roger Rabbit? . Jenner kompletoi pamjen me flokë të zinj të stiluar me valë të lirshme dhe bizhuteri diamanti nga Lorraine Schwartz. Ndërkohë, në ceremoninë e Oscars 2026, i dashuri i saj Timothee Chalamet nuk arriti të fitojë çmimin për Aktorin më të Mirë, i cili shkoi për Michael B. Jordan për rolin e tij në filmin Sinners . Filmi One Battle After Another i Paul Thomas Anderson ishte ndër triumfuesit e mbrëmjes, duke fituar gjithsej gjashtë çmime në ceremoninë e mbajtur në Teatrin Dolby në Los Angeles. /Telegrafi/