Мамлакат иқтисодиётини барқарор ривожлантиришда энергетика тизими муҳим ўрин тутади. Айниқса, мавжуд қувватларни мустаҳкамлаш, янги ишлаб чиқариш манбаларини яратиш ҳамда аҳоли турмуш фаровонлигини оширишда қайта тикланувчи энергия манбаларига бўлган эътибор тобора кучаймоқда. Шу нуқтаи назардан, гидроэнергетика тармоғи мамлакат энергетика салоҳиятини мустаҳкамлашда стратегик аҳамият касб этади.