RFI ខេមរភាសា អាល្លឺម៉ង់ អង់គ្លេស ជប៉ុន និងអូស្ត្រាលី បញ្ជាក់ជំហរបដិសេធ មិនបញ្ជូនកម្លាំងទៅច្រកសមុទ្រអកមូហ្ស
ប្រឈមនឹងបញ្ហាបិទខ្ទប់ច្រកសមុទ្រអកមូហ្ស ដោយសារតែសង្គ្រាមនៅអ៊ីរ៉ង់ លោកដូណាល់ ត្រាំ បានប្រកាសកាលពីថ្ងៃអាទិត្យទី១៥មីនា ទាមទារឲ្យប្រទេសសម្ព័ន្ធមិត្តអូតង់ ព្រមទាំងចិនជប៉ុនជាដើម ត្រូវបញ្ជូនកម្លាំងមកជួយការពារសន្តិសុខតំបន់នេះ។ ការប្រកាសរបស់លោកត្រាំនេះ គ្មាននរណាធ្វើតាមឡើយ ទាំងចិនទាំងជប៉ុននិងអូស្ត្រាលី។ ចំណែកអង់គ្លេស និងអាល្លឺម៉ង់ បានបញ្ជាក់ជំហរច្បាស់ៗ ថាបញ្ហានៅដើមបូព៌ា មិនមានអ្វីពាក់ព័ន្ធជាមួយអង្គការសម្ព័ន្ធមិត្តអាត្លង់ទិកខាងជើង ហៅកាត់ថា អូតង់ ឬណាតូ បន្តិចណាឡើយ។