ၸုမ်းၸိူဝ်းႁဵတ်းၵၢၼ်သိုၵ်းၵၢၼ်မိူင်းၵမ်ႈၼမ် ၵႆႉလႄႇလၢတ်ႈဝႃႈ ႁဵတ်းတႃႇၵူၼ်းမိူင်း ႁဵတ်းတႃႇဝၢၼ်ႈမိူင်းၼႆလွၼ်ႉလွၼ်ႉ ။ ၵူၺ်းၵႃႈ ဢိင်ၼိူဝ် လွင်ႈႁပ်ႉႁၼ်ဢမ်ႇမိူၼ်ၵၼ်သေ ၵၢၼ်ၸိူဝ်းၶဝ်ႁဵတ်းၼၼ်ႉ ႁဵတ်းႁႂ်ႈၵူၼ်းမိူင်းယၢပ်ႇၵိၼ်းလိူဝ်ၵဝ်ႇ ။ ပေႃးတူၺ်းမိူင်းတႆးသမ်ႉၶႅၼ်းယုင်ႈ ၸုမ်းလႂ်ၵေႃႈဝႃႈ ဢၼ်ၸဝ်ႈၵဝ်ႇႁဵတ်းၼၼ်ႉၸိုဝ်ႈၸႂ်ႈၼႆသေ ႁဵတ်းၽႂ်ႁဵတ်းမၼ်း တိုၵ်းၽႂ်တိုၵ်းမၼ်း ၽႅၼ်ၽႂ်ၽႅၼ်မၼ်း ။ ပေႃးသိုၵ်းၸုမ်းၼိုင်ႈတင်းၸုမ်းၼိုင်ႈ မီးလွင်ႈတွၵ်ႉတႅၵ်ႉၵၼ်မႃး ၵူၼ်းမိူင်းယိင်ႈ ယူႇယၢပ်ႇ ။ ၵဵပ်းၶွၼ်ႇၵေႃႈလႆႈပၼ် ၵဵပ်းၵူၼ်းၵေႃႈလႆႈပၼ် ။ၵူၼ်းၼႂ်းမိူင်းတႆးတႄႉ ဢိမ်ႇဢိူဝ်ႇမိူဝ်ႈၸၢၼ်ႈၼိူဝ်ၵၢၼ်သိုၵ်းၵၢၼ်မိူင်းမႃး ၵွပ်ႈလႆႈၶၢမ်ႇတုၵ်ႉမႃးပၢၼ်သိုပ်ႇပၢၼ် ။ ယၢမ်းလဵဝ်သမ်ႉ ၶွမ်ႊမသျိၼ်ႊပၢင်လိူၵ်ႈတင်ႈတႂ်ႈသိုၵ်းမၢၼ်ႈလႄႈ NUG သမ်ႉမႃးၶိုင်ႁဵတ်းသၽႃးႁင်းၽႂ်မၼ်းထႅင်ႈ။ မိူဝ်ႈမိူင်းၵတ်းယဵၼ်တႄႉ မိူင်းတႆးၼႆႉ မီးၸၢဝ်းၶိူဝ်းလၢၵ်ႇလၢႆ ငၢႆးမိူၼ် မွၵ်ႇလၢႆသီ ၵီႈႁၢင်ႈလီၼႆသေတႃႉ ၽွင်းမိူင်းသုၵ်ႉယုင်ႈၸိူင်ႉၼႆတႄႉ ငၢႆးမိူၼ်မွၵ်ႇၵီႈၼႂ်းၵႄႈမုၵ်ႉၾႆးၵူၺ်း ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။ ပီ 2021 ၼၼ်ႉ ဝၢႆးသိုၵ်းမၢၼ်ႈယိုတ်းမိူင်းယဝ်ႉ 4 ဝၼ်း တႅၼ်းၽွင်းၸိူဝ်းဢွင်ႇပေႉၼႂ်းပၢင်လိူၵ်ႈတင်ႈ 2020 ၼၼ်ႉၵမ်ႈၽွင်ႈ ႁူမ်ႈၵၼ်တင်ႈ […] The post မိူင်းတႆး ငၢႆးမိူၼ်မွၵ်ႇၵီႈၼႂ်းၵႄႈမုၵ်ႉၾႆး appeared first on SHAN News .