The Cambodia Daily អ្នកស្រី ជា សិរី៖ ធនាគារនឹងទារប្រាក់ពីអ្នកខ្ចីទាំងអស់ក្នុងពេលតែមួយ បើអតិថិជនមកដកប្រាក់ក្នុងពេលតែមួយនោះ
ទេសាភិបាលធនាគារជាតិនៃកម្ពុជា អ្នកស្រី ជា សិរី អំពាវនាវឱ្យអ្នកដាក់ប្រាក់បញ្ញើទាំងអស់ធ្វើការជាមួយនឹងធនាគារពាក់ព័ន្ធ រកវិធីដើម្បីដោះស្រាយប្រាក់បញ្ញើទាំងនោះ ដើម្បីធានាការពារនូវផលប្រយោជន៍របស់អតិថិជនឱ្យបានគ្រប់ៗគ្នា។ អ្នកស្រី ជា សិរី បានចេញសេចក្តីថ្លែងការណ៍នៅថ្ងៃទី១៦ ខែមីនា ឆ្នាំ២០២៦ នេះថា នៅពេលដែលអ្នកដាក់ប្រាក់បញ្ញើទាំងអស់មកដកប្រាក់ពីធនាគារក្នុងពេលតែមួយ នោះធនាគារជួបនឹងបញ្ហាខ្វះសាច់ប្រាក់ជាមិនខាន។ ធនាគារមិនអាចបង្វិលលុយទាន់ពេលឡើយ ដោយសារតែលុយទាំងអស់នោះត្រូវបានផ្ដល់ទៅឲ្យអ្នកខ្ចីមួយភាគធំទៅហើយ។ អ្នកស្រី ជា សិរី បន្ថែមថា បើអ្នកដាក់ប្រាក់បញ្ញើមកទារប្រាក់ទាំងអស់ពីធនាគារក្នុងពេលតែមួយ នោះធនាគារក៏ត្រូវតែទារប្រាក់ពីអ្នកខ្ចីទាំងអស់ក្នុងពេលតែមួយដែរ។ អតិថិជនរាប់រយនាក់ដែលបានដាក់ប្រាក់បញ្ញើនៅធនាគារ APD នៅថ្ងៃទី១៦ ខែមីនា ឆ្នាំ២០២៦ បានសម្រុកដកលុយចេញពីធនាគារ APD Bank ក្នុងតំបន់បឹងកក់ នៅថ្ងៃចន្ទដើមសប្តាហ៍នេះ បន្ទាប់ពីធនាគារបានប្រកាសផ្អាកសេវាកម្មក្រោមហេតុផលដើម្បីថែទាំប្រព័ន្ធ (system maintenance) និងស្នើឱ្យធនាគារជាតិនៃកម្ពុជា ចាត់វិធានការច្បាប់ដោះស្រាយបញ្ហាជាប់គាំងនេះ។ អតិថិជនទាំងនេះបានលើកឡើងនូវបញ្ហារៀងៗខ្លួន ក្នុងនោះ អ្នកជំនួញជនជាតិចិនម្នាក់ឈ្មោះ យូឡុង អ៊ីវ បានអះអាងថា ក្រុមហ៊ុនរបស់ខ្លួនបានដាក់ប្រាក់ក្នុងធនាគារ APD ចំនួន ៥លានដុល្លារអាមេរិក ប៉ុន្តែពេលខ្លួនមកដកប្រាក់ ត្រូវបានហាមឃាត់មិនឱ្យចូលទៅក្នុងធនាគារទៅវិញ។ ចំណែកអតិថិជនម្នាក់ទៀតអះអាងថា ខ្លួនមកធនាគារ APD ដើម្បីដកប្រាក់ […] The post អ្នកស្រី ជា សិរី៖ ធនាគារនឹងទារប្រាក់ពីអ្នកខ្ចីទាំងអស់ក្នុងពេលតែមួយ បើអតិថិជនមកដកប្រាក់ក្នុងពេលតែមួយនោះ appeared first on The Cambodia Daily Khmer .