The Cambodia Daily លោក ហ៊ុន សែន អះអាងថាដាណឺម៉ាក គាំទ្រជំហរកម្ពុជាពេញទំហឹងលើការដោះស្រាយជម្លោះព្រំដែនជាមួយថៃ
មេដឹកនាំបក្សកាន់អំណាច លោក ហ៊ុន សែន អះអាងថា រដ្ឋាភិបាលប្រទេសដាណឺម៉ាក (Danmark) គាំទ្រជំហររបស់កម្ពុជាលើការដោះស្រាយជម្លោះព្រំដែនជាមួយប្រទេសថៃ ពេញទំហឹង ដោយការប្រកាន់ខ្ជាប់នូវស្មារតីបទឈប់បាញ់ និងការដោះស្រាយដោយសន្តិវិធី។ ប្រធានព្រឹទ្ធសភា លោក ហ៊ុន សែន សរសេរលើទំព័រហ្វេសប៊ុករបស់ខ្លួននៅថ្ងៃទី១៦ មីនា នេះថា ឯកអគ្គរាជទូតដាណឺម៉ាក ប្រចាំនៅកម្ពុជា លោក ដែននី អានណាន (Danny Annan) បានបង្ហាញការពេញចិត្តនឹងជំហររបស់កម្ពុជាលើការដោះស្រាយជម្លោះព្រំដែនជាមួយប្រទេសថៃ ចំពោះការប្រកាន់ខ្ជាប់នូវស្មារតីបទឈប់បាញ់របស់កម្ពុជា កាលពីថ្ងៃទី២៧ ខែធ្នូ ឆ្នាំ២០២៥ និងការស្វែងរកការដោះស្រាយដោយសន្តិវិធី។ លោក ហ៊ុន សែន បញ្ជាក់ថា ទំនាក់ទំនងរវាងកម្ពុជា និងដាណឺម៉ាក គឺនៅមានសក្ដានុពលច្រើនទៀតដែលភាគីទាំងពីរអាចធ្វើការជាមួយគ្នា ជាពិសេសលើផ្នែកពាណិជ្ជកម្ម ការវិនិយោគ និងសេដ្ឋកិច្ច ជាដើម ខណៈកម្ពុជាក៏បានឯកភាពធ្វើឱ្យទំនាក់ទំនងរវាងប្រទេសទាំងពីរកាន់តែល្អបន្ថែមទៀតដែរ ស្របទៅនឹងកិច្ចសហប្រតិបត្តិការនៅក្នុងវិស័យនយោបាយ ការទូត ដែលប្រទេសទាំងពីរមានជាមួយគ្នា។ សង្គ្រាមកម្ពុជា-ថៃ បានផ្ទុះឡើងចំនួន ២លើក គឺលើកទី១ នៅថ្ងៃទី២៤ រហូតដល់ថ្ងៃទី២៨ ខែកក្កដា ឆ្នាំ២០២៥ ចំណែកលើកទី២ […] The post លោក ហ៊ុន សែន អះអាងថាដាណឺម៉ាក គាំទ្រជំហរកម្ពុជាពេញទំហឹងលើការដោះស្រាយជម្លោះព្រំដែនជាមួយថៃ appeared first on The Cambodia Daily Khmer .