ការលាលែងពីតំណែងរបស់នាយករដ្ឋមន្ត្រីបានកើតឡើងតាមការស្នើសុំរបស់រដ្ឋាភិបាលដឹកនាំដោយប្រធានាធិបតី José María Balcázar ចំពេលមានការព្រួយបារម្ភក្នុងចំណោមគណបក្សជាច្រើននៅក្នុងសភាអំពីការមិនផ្តល់ការបោះឆ្នោតទុកចិត្តដល់គណៈរដ្ឋមន្ត្រី។នៅថ្ងៃទី 17 ខែមីនា នយោបាយប៉េរូនៅតែបន្តមានភាពច្របូកច្របល់ ខណៈដែលនាយករដ្ឋមន្ត្រី Denisse Miralles បានលាលែងពីតំណែងត្រឹមតែ 21 ថ្ងៃប៉ុណ្ណោះបន្ទាប់ពីចូលកាន់តំណែង ត្រឹមតែមួយថ្ងៃមុនពេលគណៈរដ្ឋមន្ត្រីត្រូវបានគ្រោងនឹងបង្ហាញខ្លួននៅសភាសម្រាប់ការបោះឆ្នោតទុកចិត្ត និងតិចជាងមួយខែមុនការបោះឆ្នោតទូទៅ។ យោងតាម Reuters ការលាលែងពីតំណែងត្រូវបានធ្វើឡើងតាមការស្នើសុំរបស់រដ្ឋបាលដឹកនាំដោយប្រធានាធិបតី José María Balcázar ចំពេលមានការព្រួយបារម្ភក្នុងចំណោមគណបក្សជាច្រើននៅក្នុងសភាអំពីការមិនផ្តល់ការបោះឆ្នោតទុកចិត្តដល់គណៈរដ្ឋមន្ត្រី។ ពីមុន នៅថ្ងៃទី 24 ខែកុម្ភៈ ប្រធានាធិបតីបណ្តោះអាសន្នប៉េរូ លោក Jose Maria Balcázar បានតែងតាំងអ្នកសេដ្ឋកិច្ច Denisse Miralles ឱ្យកាន់តំណែងជានាយករដ្ឋមន្ត្រី។ នៅក្នុងលិខិតមួយផ្ញើទៅកាន់លោកស្រី Miralles រដ្ឋាភិបាលបានទទួលស្គាល់ “ការចូលរួមចំណែកដ៏លេចធ្លោ” របស់គាត់ និងបានសម្តែងការដឹងគុណចំពោះភាពជាអ្នកដឹកនាំ និងការធ្វើគោលនយោបាយរបស់គាត់ក្នុងផលប្រយោជន៍ល្អបំផុតរបស់ប្រជាជនក្នុងអំឡុងពេលកាន់តំណែងខ្លីរបស់គាត់៕ ដោយ៖ ធីរីណា រូប​ថត​៖ AFP