တီႈဝဵင်းဢေးတႃႇယႃႇ ၸႄႈဝဵင်းတူၼ်ႈတီးၸိုင်ႈတႆးပွတ်းၸၢၼ်းၼၼ်ႉ ၵူၼ်းၵႂႃႇတႃႈပႆတၢင်းဢၼ်ၶဝ်ႈလႄႈဢွၵ်ႇဝဵင်းၼၼ်ႉသိုၵ်းမၢၼ်ႈပႂ်ႉၵဵတ်ႉ/လၢၼ်ႇ ၵူတ်ႇထတ်းမၢႆၾၢင်(မၢတ်ႉပူင်ႇတိၼ်ႇ) ၊ သင်ဝႃႈဢႃယု တဵမ် 18 ပီယဝ်ႉလႄႈဢမ်ႇလႅၵ်ႈမၢႆၾၢင်ဝႆႉၸိုင် သိုၵ်းမၢၼ်ႈလၢၵ်ႈလူင်းရူတ်ႉၵႃးဝႃႈၼႆ။ သိုၵ်းမၢၼ်ႈပႂ်ႉၵဵတ်ႉတႄႇၵူတ်ႇထတ်းႁဵတ်းၼႆမႃးၸဵမ်မိူဝ်ႈႁူဝ်လိူတ်မၢတ်ႉၶျ်ၼႆႉ။ ၵူတ်ႇထတ်းတင်းရူတ်ႉတၢင်ႇၵူၼ်း ရူတ်ႉၸႂ်ႉၵိုၵ်းႁိူၼ်းလႄႈ ရူတ်ႉၵႃးတၢင်ႇၵုၼ်ႇၸိူဝ်းၼႆႉပႃး။ၵူၼ်းၸိူဝ်းဢႃယုတဵမ် 18 ယဝ်ႉ သင်ဝႃႈဢမ်ႇလႅၵ်ႈမၢႆၾၢင်ဝႆႉၸိုင် လၢၵ်ႈလူင်းရူတ်ႉၵႃးသေ မႂ်ငိုၼ်းၼိုင်ႈၵေႃႈဢမ်ႇတႅမ်ႇလိူဝ် 5 မိုၼ်ႇပျႃး။ ပေႃးပၼ်ငိုၼ်း ၸင်ႇပွႆႇပၼ်ၶိုၼ်းၼႆ  ၸဝ်ႈၵႃးဢႃယု 40 ပၢႆ ဢၼ်ၺႃးတီႉယွၼ်းငိုၼ်းၼၼ်ႉလၢတ်ႈၽူႈတွႆႇႁွၵ်ႈၼင်ႇၼႆ။  “ပေႃးထိုင်ၵဵတ်ႉၼႆလႆႈလူင်းၵႂႃႇလၢႆးငၢၼ်းၶဝ် လႆႈဢဝ်မၢႆၾၢင်ၵူၼ်းၶီႇရူတ်ႉမႃးၸွမ်းၸိူဝ်းၼၼ်ႉၵႂႃႇၼႄၶဝ်။    ၶဝ်တေၵူတ်ႇထတ်းထၢမ်တႂ်ႈထၢမ်ၼိူဝ်။ တူၺ်းမၢႆၾၢင်သေ မႃးတူၺ်းၼႃႈၵူၼ်းၵမ်းၵေႃႉၵေႃႉ။ ပေႃးႁၢင်ႈၼႂ်းမၢႆၾၢင်ၼၼ်ႉဢမ်ႇမိူၼ်ၵၼ်တင်းႁၢင်ႈၸဝ်ႈၶွင်မၼ်းၵေႃႈၶဝ်ထတ်းထၢမ်ႁႅင်း။ ပေႃးႁၼ်မၢႆၾၢင်ဢၼ်ဢမ်ႇလႅၵ်ႈဝႆႉၼႆတႄႉ ၵမ်ႈၽွင်ႈၵေႃႈၺႃးယွၼ်းငိုၼ်း 5 မိုၼ်ႇပျႃး ၵမ်ႈၽွင်ႈၵေႃႈၺႃးယွၼ်း 1 သႅၼ်ပျႃးလူးၵွၼ်ႇ”– ဝႃႈၼႆ။  မၢင်ပွၵ်ႈမႃးယွၼ်းၶေႃႈမုလ်းၵူၼ်းၶီႇၵႃးမႃးၵူၺ်းဢမ်ႇၵႃး ယွၼ်းပႃးငိုၼ်းတီႈၸဝ်ႈၵႃးထႅင်ႈလူးၵွၼ်ႇ ၸင်ႇပၼ်လတ်းၵဵတ်ႉ/လၢၼ်ႇ ဝႃႈၼႆ။ မိူဝ်ႈႁူဝ်လိူၼ်မၢတ်ႉၶျ်ၼႆႉၵေႃႈ သိုၵ်းမၢၼ်ႈဢၼ်ပႂ်ႉၵဵတ်ႉ/လၢၼ်ႇတီႈၼိူဝ်သဵၼ်ႈတၢင်း ယႂႃႇငၢၼ်ႇ(ဝၢၼ်ႈငႂ်ႈ)- ဝဵင်းလိူဝ်ႇတီႈၼိုင်ႈၼၼ်ႉ ၵူတ်ႇထတ်းၵူၼ်းၶီႇၵႃးမႃးသေ ႁၼ်မႄႈထဝ်ႈ ဢႃယု 80 ပၢႆၵေႃႉၼိုင်ႈၼိူဝ်ရူတ်ႉ။ ၽိူဝ်ႇထတ်းမၢႆၾၢင်ယဝ်ႉ […] The post ဢႃယု တဵမ် 18 ယင်းပႆႇလၢႆႈမၢႆၾၢင် သိုၵ်းမၢၼ်ႈလၢၵ်ႈလူင်းရူတ်ႉ ၼႂ်းၸႄႈဝဵင်းတူၼ်ႈတီး appeared first on SHAN News .