پاکستان کرکٹ بورڈ نے قذافی سٹیڈیم لاہور اور ملتان کرکٹ سٹیڈیم کے نام تبدیل یا برقرار رکھنے کے حقوق فروخت کرنے کے لیے اشتہار جاری کرتے ہوئے مارچ کے آخر تک ٹینڈرز طلب کیے ہیں۔ پی سی بی اشتہار میں کہا گیا ہے کہ ناموں سے متعلق حقوق زیادہ سے زیادہ بولی لگانے والے کو دیے جائیں گے۔ اشتہار کے مطابق قذافی سٹیدیم لاہور کے نام کے حقوق حاصل کرنے کے خواہش مند نئے نام کے ساتھ تجاویز اور بولی کی رقم درخواست کے ساتھ 24 مارچ جبکہ ملتان سٹیڈیم کے لیے 30 مارچ تک جمع کرائی جا سکے گی۔ پی سی بی حکام کے مطابق ان سٹیڈیمز کے ناموں سے متعلق حقوق کی نیلامی کا مقصد پی سی بی کی آمدن میں اضافہ کرنا ہے۔ ’لہذا جو بھی مناسب نام تجویز کرے گا اور زیادہ بولی دے گا اس کو یہ حقوق دیے جائیں گے۔ لیکن یہ ضروری نہیں قذافی کا نام ہٹا دیا جائے کوئی بھی کمپنی یا فرد اپنے نام کے ساتھ یہ نام بھی برقرار رکھ سکتا ہے۔‘ مجوزہ نام فائنل کرنے سے پہلے پی سی بی جائزہ لے کر نام فائنل کرنے کی اجازت دینے کا اختیار رکھتا ہے۔ اسی طرح ملتان سٹیڈیم کے ساتھ کسی بھی نام کا اضافہ ہوسکتا ہے لیکن ملتان برقرار رکھا جا سکتا ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس سے قبل پی سی بی نیشنل سٹیڈیم کراچی کا نام بھی تبدیل کر چکا ہے۔ سال 2022 میں پی سی بی اور نیشنل بینک آف پاکستان کے درمیان پانچ سالہ معاہدے کے بعد سٹیڈیم کا نام نیشنل بینک کرکٹ ارینا کر دیا گیا تھا۔ اس کے علاوہ پشاور کا ارباب نیاز سٹیڈیم بھی اب عمران خان کرکٹ سٹیڈیم ہو چکا ہے۔ سرکاری ریکارڈ کے مطابق  قذافی سٹیڈیم لاہور فیروز پور روڑ سے ملحقہ گلبرگ کے علاقے میں 1959 کو تعمیر کیا گیا تھا، جس کا ڈیزائن اس وقت کے معروف ماہر تعمیرات ناصر الدین مراد خان نے تیار کیا تھا۔ اس گراونڈ کی تعمیر کا مقصد ملکی و غیر ملکی سطح کے کرکٹ مقابلے منعقد کرانا تھا، لیکن جب 1974 میں لیبیا کے سربراہ معمر محمد ابومینار القذافی پاکستانی وزیر اعظم ذوالفقار علی بھٹو کی لاہور میں منعقدہ اسلامی سربراہی کانفرنس (او آئی سی) میں شرکت کے لیے آئے، تو انہوں نے لاہور سٹیڈیم میں جلسہ عام سے خطاب کرتے ہوئے پاکستان کے ایٹمی پروگرام کی حمایت کی تھی، جس پر ذوالفقار علی بھٹو نے اس سٹیڈیم کا نام ان کے نام سے منسوب کرتے ہوئے قذافی سٹیڈیم رکھا تھا۔ اسی طرح ملتان کرکٹ سٹیڈیم کو 1995 میں تعمیر کیا گیا تھا۔ پاکستان کرکٹ لاہور ملتان پی سی بی پی سی بی اشتہار میں کہا گیا ہے کہ ناموں سے متعلق حقوق زیادہ سے زیادہ بولی لگانے والے کو دیے جائیں گے۔ ارشد چوہدری بدھ, مارچ 18, 2026 - 11:00 Main image:

قذافی سٹیڈیم لاہور میں 9 مئی 2025 کو مزدور ایک سٹینڈ پر کام کر رہے ہیں (فائل فوٹو/ اے ایف پی)

کرکٹ jw id: F9NI3mzi type: video related nodes: قذافی سٹیڈیم کی بلند ترین جگہوں پر رنگ کرنے والے کے لیے ’خصوصی انعام‘ اقبال سٹیڈیم فیصل آباد میں 17 سال بعد انٹرنیشنل کرکٹ کی واپسی پشاور سٹیڈیم کی عمران خان سے منسوبی، خود پی ٹی آئی اصولوں کی خلاف ورزی؟ ملتان سٹیڈیم جسے وریندر سہواگ ہمیشہ یاد رکھیں گے SEO Title: قذافی اور ملتان کرکٹ سٹیڈیمز کے نام تبدیل کرنے کا فیصلہ کیسا ہے؟ copyright: show related homepage: Hide from Homepage