Аҳиллик, саховат ва шукроналик ғояларини ўзида мужассам этган муборак Рамазон ойи якунига етмоқда. Давлатимиз раҳбарининг шу йил 16 февралдаги қарорига кўра, Рамазон ойини муносиб кутиб олиш ва юқори савияда ўтказиш, диний-маърифий, маданий қадриятларимизни асраб-авайлаш ва улуғлаш юзасидан зарур чора-тадбирлар кўрилди. Ижтимоий кўмакка муҳтож, ногиронлиги бўлган шахслар, ёлғиз ва кексалар, беморлар ҳолидан хабар олиниб, уларга моддий, маънавий ёрдам кўрсатилди.