येत्या गुरूवारी 19 मार्च रोजी सकाळी 6-53 नंतर गुढी उभारून गुढीपाडवा सण साजरा करायचा आहे असे पंचांगकर्ते, खगोल अभ्यासक दा.कृ.सोमण यांनी सांगितले. या विषयी अधिक माहिती देताना श्री.सोमण म्हणाले की या वर्षी चैत्र शुक्ल प्रतिपदा ही तिथी सूर्योदयाला नसल्याने 'क्षयतिथी' आहे. त्यामुळे गुरुवारी सकाळी 6-53 वाजता फाल्गुन अमावास्या संपल्यावर नवीन वर्ष शालिवाहन शक 1948 पराभवनाम संवत्सर सुरू होत आहे.