Осиё ғарбида, Ўрта денгиз соҳилида жойлашган, майдони тахминан 22 000 квадрат километрни ташкил этадиган Исроил давлати бугун дунё диққат марказида. 10 миллионга яқин одам истиқомат қиладиган, пойтахти Қуддус (Jerusalem) бўлган ушбу мамлакат шимолда Ливан, шимоли-шарқда Сурия, шарқда Иордания ва жануби-ғарбда Миср билан чегарадош. Шунингдек, Фаластиннинг Ғазо сектори ва Ғарбий Соҳил билан ҳам бевосита туташган.