وفاقی وزیر اطلاعات عطا اللہ تارڑ نے کہا کہ عید الفطر کے پیش نظر اور اسلامی ممالک کی درخواست پر افغانستان میں عسکریت پسندوں اور ان کے حمایتوں کے خلاف آپریشن غضب للحق عارضی طور پر (آج رات سے 23/24 مارچ کی درمیانی رات تک) روک دیا گیا ہے۔ سوشل میڈیا پلیٹ فارم ایکس پر بدھ کی شام ایک پوسٹ میں وفاقی وزیر نے واضح کیا کہ ’تاہم، سرحد پار سے کسی بھی حملے، ڈرون حملے یا پاکستان کے اندر دہشت گردی کے کسی بھی واقعے کی صورت میں، ’آپریشن غضب للحق‘ کو فوری طور پر دوبارہ شدت کے ساتھ شروع کیا جائے گا۔‘ انہوں نے کہا کہ ’وقفہ 18/19 مارچ 2026 کی آدھی رات سے 23/24 مارچ 2026 کی آدھی رات تک لاگو ہوگا۔‘ TEMPORARY PAUSE IN OPERATION GHAZAB LIL HAQ (18 Mar 26) In view of the upcoming Islamic festival of Eid-ul-Fitr, upon its own initiative as well as on the request from the brotherly Islamic countries of the Kingdom of Saudi Arabia, the State of Qatar and the Republic of Turkiye,… — Attaullah Tarar (@TararAttaullah) March 18, 2026 پاکستان اور افغانستان کے درمیان تازہ جھڑپیں گذشتہ ماہ 26 فروری کی شب اس وقت شروع ہوئیں جب افغان طالبان کی جانب سے سرحد پر پاکستانی چیک پوسٹوں کو نشانہ بنایا گیا، جس کے بعد سے پاکستان نے اسے ’کھلی جنگ‘ قرار دیتے ہوئے آپریشن غضب للحق کے تحت اپنی جوابی کارروائیاں جاری رکھی ہوئی ہیں۔ پاکستان نے افغانستان میں تحریک طالبان پاکستان (ٹی ٹی پی) کے ٹھکانوں اور ان کی حمایت کرنے والوں کے خلاف آپریشن کا غزب للحق کا نام دیا۔ اس تنازع سے بین الاقوامی برادری میں علاقائی استحکام کے حوالے سے خدشات بڑھ گئے ہیں، خاص طور پر ایسے وقت میں جب امریکہ اور اسرائیل کے ایران پر مشترکہ حملوں کے ردعمل میں تہران کے جوابی حملوں نے مشرقِ وسطیٰ اور اس سے آگے کے علاقوں کو اپنی لپیٹ میں لے رکھا ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستان افغان طالبان حکومت پر الزام لگاتا ہے کہ وہ پاکستانی عسکریت پسند گروہوں، بالخصوص تحریک طالبان پاکستان کو پناہ دیتی ہے، جو دونوں ممالک کے درمیان غیر محفوظ اور غیر مستحکم سرحد عبور کر کے پاکستانی افواج پر حملے کرتے ہیں، اور یہ بھی کہ وہ پاکستان کے ازلی حریف انڈیا کے ساتھ گٹھ جوڑ رکھتی ہے۔ تاہم کابل اور نئی دہلی ان الزامات کی تردید کرتے ہیں۔ وفاقی وزیر عطا تارڑ نے ایکس پر پوسٹ میں کہا کہ پاکستان یہ اشارہ نیک نیتی اور اسلامی اصولوں کو مدنظر رکھتے ہوئے پیش کرتا ہے۔ انہوں نے بتایا کہ آپریشن کی عارضی بندش کے لیے جن اسلامی ممالک نے پاکستان سے درخواست کی ہے ان میں سعودی عرب، ریاست قطر اور جمہوریہ ترکی شامل ہیں۔ پاک افغان تعلقات پاک افغان سرحد پاکستان افغانستان جنگ سرحدی جھڑپیں ٹی ٹی پی دہشت گردی وفاقی وزیر نے ایکس پر ایک پوسٹ میں کہا کہ سرحد پار سے حملے یا پاکستان میں دہشت گردی کے واقعے کی صورت میں آپریشن دوبارہ شروع کر دیا جائے گا۔ انڈپینڈنٹ اردو بدھ, مارچ 18, 2026 - 19:30 Main image:

ایک شخص 13 مارچ 2026 کو کابل کے مضافات میں تباہ شدہ عمارت کے باہر کھڑا ہے جو افغان طالبان کے مطابق پاکستان کی مبینہ فضائی بمباری میں نشانہ بنی (روئٹرز)

ایشیا type: news related nodes: افغانستان کا باجوڑ پر حملہ عالمی قانون کی خلاف ورزی: پاکستان پاکستان اور افغانستان تناؤ کو مذاکرات سے کم کریں: چین اسلام آباد کی فضائی حدود میں دفاعی نظام نے افغانستان کے دو ڈرون مار گرائے افغانستان سے یورپ کے لیے برآمدات: لاپس لازولی راہداری کیا ہے؟ SEO Title: افغانستان میں آپریشن غضب للحق عارضی طور پر روک دیا گیا ہے: عطا تارڑ copyright: show related homepage: Show on Homepage