Нови детали од истрагата: Во киднапирањето на Кајмакоски биле вклучени лица што ги познава Филип Здравески 18.03.2026 / 16:43 Музика Помина повеќе од еден месец откако познатиот пејач Даниел Кајмакоски беше киднапиран, а деталите од овој случај продолжуваат да ја шокираат јавноста. Иако киднаперите сè уште се во бегство, најновите информации добиени од истражните органи се застрашувачки – се сомнева дека киднапирањето е нарачано од лице кое пејачот многу добро го познава, објави српски Телеграф. Адвокатот на Кајмакоски, Бранислав Станишиќ, откри дека неговиот тим има сериозни сомнежи, кои ги споделуваат со надлежните органи. „Имаме сомнежи поврзани со некои луѓе што Даниел ги познава и со кои имал некаков контакт во минатото“, истакна Станишиќ. Според него, самите сторители на киднапирањето најверојатно се странци, ангажирани за оваа „валкана“ работа. Физичкиот изглед и јазикот што го зборувале укажуваат дека се работи за луѓе од Турција, Северна Македонија или можеби дури и од Виена, каде што Даниел живеел повеќе од две децении. Даниел Кајмакоски Автор/Извор Макфакс Прикажи во метро On