Credit to Popular Journal - သမိုင်းကြောင်းသင်ခန်းစာများအရ တိုင်းရင်းသားစည်းလုံးညီညွတ်ရေးသည် ပြည်ထောင်စုမပြိုကွဲရေး၊ တိုင်းပြည်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးတို့အတွက် အလွန်ပင်အရေးကြီးလှသည်ဟု နိုင်ငံတော် ယာယီသမ္မတက ပြောသည်။ ယနေ့ မတ် ၁၉ ရက်တွင်ကျရောက်သည့် (၅၂) နှစ်မြောက် မွန်ပြည်နယ်နေ့သို့ နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ သဝဏ်လွှာပေးပို့၍ အထက်ပါအတိုင်းပြောကြားခဲ့ခြင်းဖြစ်သည်။ လက်နက်ကိုင်ပဋိပက္ခများနှင့် အကြမ်းဖက်ဆူပူမှုများ ချုပ်ငြိမ်းပြီး တိုင်းရင်းသားပြည်သူအားလုံး ပြည်ထောင်စုအတွင်း စိတ်ချမ်းသာစွာနေထိုင်နိုင်ရေးအတွက် ငြိမ်းချမ်းရေးနှင့် စည်းလုံးညီညွတ်ရေးမှာအလွန်အရေးကြီးသည်ဟု ပြောသည်။ ထို့ကြောင့် တိုင်းရင်းသားပြည်သူအားလုံးလိုလားသည့် ဒီမိုကရေစီနှင့် ဖက်ဒရယ်စနစ်ကိုအခြေခံသော ပြည်ထောင်စုတည်ဆောက်ရာတွင် မွန်ပြည်နယ်အတွင်းရှိ တိုင်းရင်းသားညီအစ်ကိုမောင်နှမများအနေဖြင့် ပြည်ထောင်စုစိတ်ဓာတ်၊ မျိုးချစ်စိတ်ဓာတ်ကိုအခြေခံ၍ ပြည်နယ်သူ၊ ပြည်နယ်သားများ၏အကျိုးစီးပွား၊ နိုင်ငံနှင့် ပြည်သူအားလုံးတို့၏ ကောင်းကျိုးကိုထမ်းဆောင်နိုင်သူများဖြစ်ကြပါစေဟုလည်း တိုက်တွန်းပြောကြားခဲ့သည်။ မြန်မာနိုင်ငံသည် ပြည်သူများ၏ လိုလားချက်နှင့်အညီ တရားမျှတခြင်း၊ လွတ်လပ်ခြင်း၊ တန်းတူညီမျှခြင်းဟူသည့် လောကပါလတရားများထွန်းကားရာ ဒီမိုကရေစီစနစ်ကိုကျင့်သုံးသည့် နိုင်ငံအဖြစ်လျှောက်လှမ်းနေချိန်ဖြစ်၍ ဒီမိုကရေစီနိုင်ငံထူထောင်ရာတွင် […] The post တိုင်းရင်းသားစည်းလုံးညီညွတ်ရေးသည်အလွန်အရေးကြီး appeared first on Popular .