سعودی عرب کے وزیر خارجہ شہزادہ فیصل بن فرحان نے کہا ہے کہ ایران پر سے اعتبار ’مکمل طور پر ختم‘ ہو چکا ہے اور تہران کے موجودہ رویے کو دیکھتے ہوئے اسے شراکت دار نہیں سمجھا جا سکتا۔ سعودی گزٹ کے مطابق جمعرات کو دارالحکومت ریاض میں عرب اور اسلامی ممالک کے وزرائے خارجہ کے اجلاس کے بعد ایک پریس کانفرنس سے خطاب کرتے ہوئے شہزادہ فیصل بن فرحان نے کہا کہ ایران کے اقدامات سے ظاہر ہوتا ہے کہ ’وہ پڑوسی ممالک کے ساتھ حقیقی بات چیت پر یقین نہیں رکھتا، بلکہ اس کی بجائے دباؤ اور سیاسی و سکیورٹی جبر کا سہارا لیتا ہے۔‘ انہوں نے پڑوسی ممالک اور سمندری جہاز رانی پر ایرانی حملوں کو ایک خطرناک اشتعال انگیزی اور بین الاقوامی قانون کی کھلی خلاف ورزی قرار دیا، اور کہا کہ اجلاس کے شرکا نے ان حملوں کو روکنے اور ایران کے عدم استحکام پیدا کرنے والے رویے کی شدید مذمت کرنے کی ضرورت پر اتفاق کیا۔ وزیر خارجہ نے زور دیا کہ ایران ’نہیں رکے گا‘ جب تک اسے مضبوط مقابلے کا سامنا نہ ہو، اور اس بات کو دہرایا کہ سعودی عرب تصادم سے نہیں ڈرتا اور ضرورت پڑنے پر اپنی خودمختاری اور علاقائی استحکام کے تحفظ کے لیے فوجی جواب دینے کا حق رکھتا ہے۔ شہزادہ فیصل نے کہا کہ ایران نے ان حملوں کی ’پہلے سے منصوبہ بندی‘ کر رکھی تھی، جس سے ظاہر ہوتا ہے کہ یہ الگ تھلگ واقعات نہیں بلکہ کشیدگی بڑھانے کی ایک منظم پالیسی کا حصہ ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) سعودی وزیر خارجہ کا کہنا تھا کہ ایسا رویہ اچھے پڑوسی کے اصولوں، بین الاقوامی معاہدوں اور یہاں تک کہ اسلام کی تعلیمات کے بھی منافی ہے۔ انہوں نے ایرانی جواز کو غیر تسلی بخش قرار دے کر مسترد کر دیا، اور اسے جبر کی وسیع تر پالیسی پر پردہ ڈالنے کی کوششیں قرار دیتے ہوئے خبردار کیا کہ مسلسل غلط اندازوں کے تہران پر سیاسی اور وسیع تر نتائج مرتب ہوں گے۔ شہزادہ فیصل نے کہا کہ ضرورت پڑنے پر سعودی عرب ضروری اقدامات کرنے کا حق محفوظ رکھتا ہے، اور اس بات پر زور دیا کہ مناسب فیصلے صحیح وقت پر کیے جائیں گے۔ سعودی عرب شہزادہ فیصل بن فرحان ریاض ایران ریاض میں عرب اور اسلامی وزرائے خارجہ اجلاس کے بعد سعودی عرب کے وزیر خارجہ شہزادہ فرحان بن فیصل نے پریس کانفرنس میں کہا کہ ایران پر اعتبار ’مکمل طور پر‘ پر ختم ہو چکا ہے۔ انڈپینڈنٹ اردو جمعرات, مارچ 19, 2026 - 07:15 Main image:

سعودی عرب کے وزیر خارجہ فیصل بن فرحان 19 مارچ 2026 کو ریاض میں مشاورتی وزارتی اجلاس میں شریک ہیں (اے ایف پی)

دنیا type: news related nodes: ایران جنگ: سعودی عرب خلیجی پروازوں کا اہم مرکز بن گیا پاکستان اور سعودی عرب کڑے وقت میں ساتھ کھڑے ہیں عراقی کردستان میں اماراتی قونصل خانے پر حملہ، سعودی عرب اور قطر کی شدید مذمت یمن کشیدگی: اسحاق ڈار کا سعودی وزیر خارجہ سے رابطہ، امن کے لیے سفارت کاری پر زور SEO Title: ایران پر ’اعتبار مکمل ختم‘، فوجی کارروائی کا حق رکھتے ہیں: سعودی وزیر خارجہ copyright: show related homepage: Show on Homepage