ပွႆးသွၼ်းၼမ်ႉပီ 2026 ၼႆႉသိုၵ်းမၢၼ်ႈသင်ႇႁႂ်ႈၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း ႁဵတ်းပွႆးသွၼ်းၼမ်ႉၵိုၼ်းၶွၼ်ႈ ပျီႇတူႉၸိတ်ႉပဢူဝ်းတေဢဝ်ႁူမ်ႇလူမ်ႈပၼ် ၼႆ ယဝ်ႉ။ ဝၼ်းတီႈ 16/ 3/2026 လူင်ပွင်ၸိုင်ႈမိူင်းတႆး တႂ်ႈသိုၵ်းမၢၼ်ႈ ၊ ႁွင်ႈၵၢၼ်ၾၢႆႇၽွင်းငမ်း ႁွင်ႉဢဝ်ၵၢင်ႉၵႄႇ ႁူပ်ႉထူပ်းဢုပ်ႇဢူဝ်း တဵၵ်းၸႂ်ႉႁႂ်ႈၸတ်းႁဵတ်းပွႆးသွၼ်းၼမ်ႉၼႂ်းၼွင်ႁၢႆးယႃႈၵိုၼ်းၶွၼ်ႈ ဝႃႈၼႆ။ လုင်းၸၢႆး ၵူၼ်းမိူင်းပိုၼ်ႉတီႈ ၵေႃႉယူႇၼႂ်းၼွင်ႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ – “လူင်ပွင်ၸိုင်ႈမိူင်းတႆးသင်ႇမႃးဝႃႈ ပီၼႆႉ တိုၼ်းတေလႆႈၸတ်းပွႆးသွၼ်းၼမ်ႉႁႂ်ႈလႆႈၼႆဢေႃႈ။ ပီၵၢႆၼႆႉ ၶဝ်သင်ႇမႃးႁႂ်ႈၸတ်းၼႆႁႄ သမ်ႉလႆႈႁူပ်ႉၽေးၽႅၼ်ႇလိၼ်ဝႆၵႂႃႇလႄႈ ဢမ်ႇတၼ်းလႆႈၸတ်းပႅတ်ႈ။ ၼႂ်းၼွင်ၼႆႉ ၵူႈပီပူၼ်ႉမႃးၵေႃႈ သိုၵ်းမၢၼ်ႈၸႂ်ႉႁဵတ်းပွႆးသွၼ်းၼမ်ႉယႂ်ႇလူင် ပျီႇတူႉၸိတ်ႉသမ်ႉဢဝ်ႁူမ်ႇလူမ်ႈပၼ် ။ ပီၼႆႉၵေႃႈတေမိူၼ်ၼၼ်ၵူၺ်း ၊ ၶဝ်(သိုၵ်းမၢၼ်ႈ) ၶႂ်ႈႁဵတ်းၼႄလွင်ႈဝႃႈ ဝၢၼ်ႈမိူင်းၼိမ်တဵင်ႈယဝ်ႉၼႆၼၼ်ႉၵူၺ်း ၊ ဢမ်ႇမီးၽွၼ်းလီတႃႇၵူၼ်းမိူင်းသင် ၊ ၵူၼ်းမိူင်းယၢပ်ႇ ၽိုတ်ႇတႃႇႁႃၵိၼ်လဵင်ႉတွင်ႉဝႆႉသမ်ႉဢမ်ႇတူၺ်းပၼ်သင်”- ဝႃႈၼႆ ။ ပွႆးသွၼ်းၼမ်ႉၼႂ်းၼွင်ႁၢႆးယႃႈၼႆႉတႄႇႁဵတ်းမႃးႁႂ်ႈပေႃးၵိုၼ်းၶွၼ်ႈ မိူဝ်ႈပီ 2019 ။ ၽွင်းၼၼ်ႉတႄႉ ပဵၼ်ပၢၼ်လူင်ပွင်ၸိုင်ႈၵူၼ်းမိူင်းလိူၵ်ႈတင်ႈၶိုၼ်ႈမႃးလႄႈ ၵူၼ်းမိူင်းဢဝ်ၵၢင် […] The post သိုၵ်းမၢၼ်ႈၸႂ်ႉၵူၼ်းမိူင်းၼႂ်းၼွင်ႁၢႆးယႃႈ ႁဵတ်းပွႆးသွၼ်းၼမ်ႉၵိုၼ်းၶွၼ်ႈ appeared first on SHAN News .