Mediamax «Ռոսատոմը» իր աշխատակիցներին Իրանից կտարհանի Հայաստանի տարածքով
Երեւան: Մեդիամաքս: «Ռոսատոմ» կորպորացիան Իրանի «Բուշեր» ատոմակայանից իր աշխատակիցների հերթական տարհանումը կիրականացնի Հայաստանի տարածքով։ Ինչպես հաղորդում է ՏԱՍՍ-ը, կորպորացիայի ղեկավար Ալեքսեյ Լիխաչովը նշել է. «Այս տարհանումից հետո կայանում կմնա մի քանի տասնյակ մարդ՝ սարքավորումների հսկողությունն ապահովելու համար։ Հենց որ ռազմաքաղաքական իրավիճակը թույլ տա, մարդիկ կլքեն կայանը՝ երթուղին մշակված է Հայաստանի տարածքով»։ Ներկայում կայանում շուրջ 480 Ռուսաստանի քաղաքացի կա։