متحدہ عرب امارات کی ملکی سلامتی کے ادارے (ایس ایس اے) نے لبنان کی تنظیم حزب اللہ اور ایران کی ’مالی اور انتظامی معاونت‘ سے چلنے والے ’دہشت گرد‘ نیٹ ورک کا پتہ لگانے اور اس کے ارکان کو گرفتار کرنے کا دعویٰ کیا ہے۔ سرکاری نیوز ایجنسی وام کے مطابق ایس ایس اے کا کہنا ہے کہ ’یہ نیٹ ورک ملک کے اندر ایک فرضی تجارتی آڑ میں کام کر رہا تھا اور اس کی کوشش تھی کہ وہ قومی معیشت میں دراندازی کرے اور ملک کے مالی استحکام کے لیے خطرہ بننے والے بیرونی منصوبوں کو عملی جامہ پہنائے۔‘ ایس ایس اے نے وضاحت کی کہ ’یہ نیٹ ورک اقتصادی اور قانونی ضوابط کی خلاف ورزی کرتے ہوئے، منی لانڈرنگ، دہشت گردی کی مالی معاونت اور قومی سلامتی کو خطرے میں ڈالنے کے لیے حزب اللہ اور ایران سے جڑے بیرونی فریقوں کی ہم آہنگی سے ایک پہلے سے طے شدہ سٹریٹجک منصوبے کے تحت کام کرتا تھا۔‘ متحدہ عرب امارات کی جانب سے اعلان ایک ایسے وقت میں سامنے آیا ہے جب امریکہ اور اسرائیل کے حملوں کے بعد ایران کی مشرق وسطیٰ میں دبئی، ابوظبی، قطر اور سعودی عرب سمیت متعدد ممالک میں امریکی تنصیبات اور نشانہ بنانے کا سلسلہ جاری ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس سے قبل کویت کی وزارتِ داخلہ نے بھی پیر کو خفیہ آپریشنز کے بعد ایک ’دہشت گرد گروہ‘ کو گرفتار کرنے کا اعلان کیا تھا جو ان کے مطابق حزب اللہ سے منسلک تھا۔ کویتی وزارت داخلہ نے اپنے ایک بیان میں کہا تھا کہ یہ گروہ کالعدم تنظیم حزب اللہ سے وابستہ تھا اور اس کا ’مقصد ریاست کویت میں امن و امان کو نقصان پہنچانا اور افراد کو اس دہشت گرد تنظیم میں شامل ہونے کے لیے بھرتی کرنا تھا۔‘ وام نیوز کے مطابق متحدہ عرب امارات کی ملکی سلامتی کے ادارے ایس ایس اے نے اس عزم کا اظہار کیا کہ قومی معیشت یا شہری اداروں کو ’دہشت گردانہ یا تخریبی مقاصد‘ کے لیے استعمال کرنے کی کسی بھی کوشش کا سختی اور طاقت سے جواب دیا جائے گا۔ ایران مشرق وسطیٰ متحدہ عرب امارات ایس ایس اے نے واضح کیا کہ ’یہ نیٹ ورک قومی سلامتی کو خطرے میں ڈالنے کے لیے حزب اللہ اور ایران سے جڑے بیرونی فریقوں کی ہم آہنگی سے ایک پہلے سے طے شدہ سٹریٹجک منصوبے کے تحت کام کرتا تھا۔‘ انڈپینڈنٹ اردو جمعہ, مارچ 20, 2026 - 08:45 Main image:

سرکاری نیوز ایجنسی وام کے مطابق ایس ایس اے کا کہنا ہے کہ ’یہ نیٹ ورک ملک کے اندر ایک فرضی تجارتی آڑ میں کام کر رہا تھا‘ (وام نیوز)

دنیا type: news related nodes: کویت کا حزب اللہ سے منسلک گروہ گرفتار کرنے کا دعویٰ ’گیس پلانٹ پر حملے توانائی کی فراہمی پر اثر انداز ہوں گے‘، قطری وزیراعظم ایران کا ترکی، مصر اور پاکستان پر علاقائی ہم آہنگی پر زور ایران پر ’اعتبار مکمل ختم‘، فوجی کارروائی کا حق رکھتے ہیں: سعودی عرب SEO Title: یو اے ای کا حزب اللہ، ایران سے جڑے گروہ کے ارکان گرفتار کرنے کا دعویٰ copyright: show related homepage: Hide from Homepage