Հայաստանում Եվրոպական Միության պատվիրակությունը լուսանկարներ է հրապարակել ԵՄ ընդլայնման հարցերով հանձնակատար Մարթա Կոսի այցի ոչ պաշտոնական հատվածի մասին: Այս լուսանկարում Եվրոպական Միության պատվիրակության ղեկավար Վասիլիս Մարագոսը ինչ-որ բան է ցույց տալիս Մարթա Կոսին: Հաջորդ նկարում եվրոպական հանձնակատարը «Կինո Մոսկվայի» եւ Շառլ Ազնավուրի արձանի մոտ է: Այնուհետեւ հյուրին ուղեկցել է Սայաթ Նովա պողոտա, որտեղ Տիկնիկային թատրոնի մոտ նա նկատել է Երվանդ Մանարյանի արձանը, որն ակնհայտորեն հավանել է: Այնքան է հավանել, որ որոշել է «հեծնել» արձանախումբը: Մարթա Կոսը, իհարկե, չէր կարող չայցելել Երեւանի ամենահայտնի գաստրոնոմիկ փողոցը՝ Սարյանը: Այս նկարում նա անցնում է Avocado Queen ռեստորանի կողքով: Մարթա Կոսը սլովենացի քաղաքական գործիչ եւ դիվանագետ է: ԵՄ ընդլայնման հարցերով հանձնակատարի պաշտոնը նա զբաղեցնում է 2024 թվականից: Նախորդող տարիներին նա Սլովենիայի դեսպանն էր Գերմանիայում եւ Շվեյցարիայում: 2022 թվականին Մարթա Կոսը Սլովենիայի նախագահի պաշտոնի հավակնորդներից էր, սակայն հանել էր թեկնածությունը: