ԱԱԾ տնօրենն այսօր լրագրողների հետ ճեպազրույցում կաթողիկոսի մասին խոսեց՝ նշելով նրա աշխարհիկ անունը, ինչպես անում է վարչապետը: «Կտրիճ Ներսիսյանի եղբայրը Սովետական միության ԿԳԲ-ի գործակալ է եղել, և այդ փաստը ԱԱԾ-ն հանրայնացրել է», - «Ազատության» հարցին ի պատասխան հայտարարեց ԱԱԾ տնօրեն Անդրանիկ Սիմոնյանը: ԱԱԾ տնօրենն անպատասխան թողեց լրագրողների հարցը՝ «Դուք էլ եք միացել եկեղեցին բարեփոխելու ծրագրին, որ օգտագործում եք Կտրիճ Ներսիսյան ձևակերպումը»: Վարչապետ Նիկոլ Փաշինյանը բարձր ամբիոններից է հայտարարում, թե Հայ առաքելական եկեղեցու հոգևորականներից ոմանք ԿԳԲ գործակալներ են: Ոմանք ովքե՞ր են, Նիկոլ Փաշինյանը ոչ անուն, ոչ էլ փաստ է նշում: Մինչև հիմա Փաշինյանի ղեկավարած կուսակցության կայքում մեկ տեղեկանք է հրապարակվել Կաթողիկոսի եղբորը վերագրված, թե Եզրաս արքեպիսկոպոսը ԿԳԲ գործակալ է եղել: Ռուսաստանի ու Նոր Նախիջևանի թեմի առաջնորդը հերքել է: