RFI ខេមរភាសា ជប៉ុននិងអាមេរិក ចុះកិច្ចព្រមព្រៀងវិនិយោគបន្ថែមលើវិស័យថាមពល រ៉ែដីកម្រ និងនុយក្លេអ៊ែរ
ថ្ងៃព្រហស្បតិ៍ ទី១៩មីនា លោក ដូណាល់ ត្រាំ ប្រធានាធិបតីអាមេរិក បានទទួលស្វាគមន៍លោកស្រីនាយករដ្ឋមន្ត្រីជប៉ុន នៅសេតវិមាន។ នេះគឺជាដំណើរទស្សនកិច្ចផ្លូវការ លើកទី១ នៅបរទេស របស់លោកស្រី តាកាអ៊ីជី សាណាអេ ក្នុងនាមជាប្រមុខរដ្ឋាភិបាលជប៉ុន។ ជំនួបនៅទីក្រុងវ៉ាស៊ីនតោននេះ បានគ្រោងទុកជាយូរមកហើយ តែវាត្រូវធ្លាក់មកចំបរិបទសង្គ្រាមក្តៅគគុកនៅតំបន់មជ្ឈិមបូព៌ា។ ម្លោះហើយ ទើបសហរដ្ឋអាមេរិករបស់លោក ដូណាល់ ត្រាំ បានជំរុញផងនិងដាក់សម្ពាធផង ឲ្យប្រទេសជប៉ុន ចូលរួមការពារច្រកសមុទ្ទអកមូស្ស និងបញ្ជូនយោធាទៅជួយច្បាំងពួតដៃជាមួយអាមេរិកនិងអ៊ីស្រាអែល។