A artista Mar Caldas vén de presentar no Museo Provincial de Lugo a súa serie fotográfica 'Facedoras de Lugo'. Unha mostra composta por un conxunto de retratos a grande escala nos que vemos mulleres de diferentes perfís con traballos vinculados aos animais. Esta serie inscríbese nun proxecto maior, que é 'Facedoras', no que se reivindica o rural galego a través da representación de diferentes oficios, como as redeiras de Bueu ou as recolledoras de froita de Baixo Miño.