2026 թվականի մարտի 21-ին Հայաստանի վարչապետ Նիկոլ Փաշինյանը տեսանյութ է հրապարակել այն մասին, թե ինչպես է ԱԺ նախագահ Ալեն Սիմոնյանի հետ ավտոբուսում եփած կարտոֆիլ ուտում։ Դիմելով Սիմոնյանին՝ Փաշինյանն ասում է. «Ի դեպ, Վան Գոգն շատ հայտնի կտավ ունի՝ «Կարտոֆիլ ուտողները»»։ Ներկայացնում ենք 5 փաստ «Կարտոֆիլ ուտողները» նկարի մասին։ 1 Վան Գոգը նկարը կերտել է մեկ ամսից պակաս ժամանակում՝ 1885 թվականի ապրիլի 13-ից մինչեւ մայիսի սկիզբը։ 2 Նախքան նկարի վերջնական տարբերակի ստեղծումը Վան Գոգը գյուղատնտեսական բանվորների 100-ից ավելի դիմանկարային էտյուդ էր նկարել՝ շեշտը դնելով նրանց գլուխների եւ ձեռքերի վրա։ 3 Նկարչի համար բնորդ են հանդիսացել հոլանդացի դե Գրոոտ ֆերմերների ընտանիքը, որոնց Վան Գոգն անձամբ ճանաչում էր։ Նա Գորդինա դե Գրոոտի՝ նկարում պատկերված երիտասարդ կնոջ 20-ից ավելի էտյուդ է նկարել։ 4 Նկարի վաղ տարբերակը գողացվել էր Քրյոլլեր-Մյուլլեր թանգարանից 1988 թվականին։ Վերջնական տարբերակը 1991 թվականին Վան Գոգի թանգարանից գողացված 20 արվեստի գործերի թվում էր, սակայն գողերի մեքենայի անիվը վնասվել էր եւ նրանք ստիպված էին թողնել ամբողջ գողոնը։ 5 Նկարը քննադատների սուր դժգոհությունն էր առաջացրել եւ այն Վան Գոգի կենդանության օրոք երբեք չի ցուցադրվել: