Խորթ մոր կողմից ծեծի ենթարկված 1,2 տարեկան երեխան մահացել է։ ՍիվիլՆեթին լուրը հաստատեցին «Արաբկիր» Բժշկական համալիրից։ Երեխան մարտի 16-ին «կլինիկական մահ» ախտորոշմամբ ընդունվել էր «Արաբկիր» բժշկական համալիր։ Բժիշկներին այդ պահին հաջողվել էր վերականգնել երեխայի կենսական ֆունկցիաները։ Վերջին օրերին նա գտնվում էր վերակենդանացման բաժանմունքում`ծանր վիճակում, և բժիշկները շարունակում էին պայքարել նրա կյանքի համար։ Դեպքի առթիվ Քննչական կոմիտեի Երևան քաղաքի քննչական վարչությունում սպանության փորձի հատկանիշներով նախաձեռնվել է քրեական վարույթ: Երեխային պարբերաբար բռնության ենթարկելու, ինչպես նաև նրա նկատմամբ սպանության փորձի մեջ մեղադրվող կինը կալանավորվել է երկու ամսով։ The post Խորթ մոր կողմից ծեծի ենթարկված մեկ տարեկան երեխան մահացել է appeared first on CIVILNET .