Нападот на базата Диeго Гарсија открива нов дофат на иранските балистички ракети Филип Здравески 21.03.2026 / 12:10 Свет Иран испука двe балистички ракети кон американско-британската воена база „Диего Гарсија“, која се наоѓа во средината на Индискиот океан. Овој напад претставува потенцијална нова ескалација на конфликтот, бидејќи базата е оддалечена дури 4 илјади километри од иранскиот брег. Нападот не бил успешен, според американските претставници, првата ракета сама по себе откажала за време на летот и паднала во морето, додека втората била соборена од американски воен брод користејќи го системот SM-3, кој уништува цели со кинетичка сила без експлозивна боева глава. Стратешко значење на Диего Гарсија Базата се наоѓа на изолираниот остров Диего Гарсија од архипелагот Чагос и претставува една од најважните воени бази во светот. Понекогаш тука се стационирани бомбардери способни да носат нуклеарно оружје. Во петокот, Обединетото Кралство ја отстапи оваа база, заедно со базата „Фејрфорд“ во Англија, на САД за „специфични одбранбени операции против Иран“. „Диего Гарсија“ беше базата од која американските бомбардери B-2 се полнеа со гориво пред првите воздушни напади врз Авганистан по 11 септември. За време на подоцнежната „војна против теророт“, авионите летаа директно од островот кон Авганистан и Ирак. Реакција на САД Иранскиот напад предизвика загриженост во Вашингтон, бидејќи Техеран со години тврди дека дострелот на неговите ракети е 2.000 километри, додека овој напад сугерира дека дострелот би можел да се удвои. Се претпоставува дека биле користени балистички ракети Khorramshahr-4, кои носат боеви глави со тежина над еден тон. Доколку се потврди дека тие можат прецизно да погодат цели на растојание од 4.000 километри, тоа значи дека дури и европските престолнини, како што е Париз, се во дофат на Иран. Технологијата за балистички ракети Khorramshahr Иран ја купи од Северна Кореја под кодното име BM-25. Бројот 25 го означува опсегот на ракетите од 2.500 километри, но иранските научните овој опсег значително го зголемија. Iran doubled its missile range from 2,000km to 4,000km, launching 2 missiles at the U.S-UK base in Diego Garcia. They didn't hit, but they sent a warning that its strike range can now reach Europe. pic.twitter.com/7FpoWO3JIM https://t.co/VbrOSe9sS3 — Mario Nawfal (@MarioNawfal) March 21, 2026 Сепак, експертите сметаат дека нападот можеби бил повеќе демонстрација на моќ отколку вистинска намера за штета – сигнал од Револуционерната гарда дека Иран сè уште има воена способност да возврати. Нападот се случи откако американскиот претседател Доналд Трамп изјави дека може да ги намали операциите во Иран и дека размислува за постепено намалување на главните воени распоредувања на Блискиот Исток против „иранскиот терористички режим“. Сепак, обидот за напад врз „Диего Гарсија“ покажува дека Иран сè уште има воен капацитет да возврати. Iran just proved its missiles can reach far beyond the Middle East Iran fired two intermediate-range ballistic missiles at Diego Garcia, a joint U.S.-UK military base sitting 4,000 kilometers away in the middle of the Indian Ocean. Neither hit the base, but the message… https://t.co/AbmlHLKs0W pic.twitter.com/liRzLNFEGg — Mario Nawfal (@MarioNawfal) March 21, 2026 САД Иран Автор/Извор Макфакс Прикажи во метро On