Rosario García Rúa, Charo Rúa, (Santiago de Compostela, 1956) exerceu como médica de emerxencias durante máis de 30 anos a bordo do helicóptero sanitario do 061 con base no hospital de Conxo, na súa cidade natal. En 2007 deixou de contar as horas de voo, que reduce a "miles" ao final da súa carreira, tantas como servizos atendidos. Xubilouse o pasado 30 de xuño, mais sen cortar definitivamente co traballo. Este 25 de xullo recibirá de mans da alcaldesa de Santiago, Goretti Sanmartín, a Alba de Compostela 2025.