Normalizar o uso da lingua propia do noso país é un arduo proceso no que podemos, e debemos, traballar día a día e en multitude de ámbitos. E un deles é tamén o do deporte. Fortalecer o músculo máis noso daranos esas mil primaveras máis que precisa o galego. As institucións e os grandes clubs deportivos teñen a maior das responsabilidades, pero nós tamén podemos axudar a prestixiar e dotar de máis espazos o idioma.