Utanríkisráðherrar Íslands, Írlands, Lúxemborgar, Noregs, Slóveníu og Spánar fordæma harðlega hernaðaraðgerðir Ísraels á Gaza og boðuð áform um varanlega viðveru ísraelskra hermanna í Gaza-borg. Í sameiginlegri yfirlýsingu lýsa ráðherrarnir hryllingi yfir hungursneyðinni, sem var staðfest í þessari viku. Þeir krefjast þess að ísraelsk stjórnvöld standi við skuldbindingar sínar á grundvelli alþjóðamannúðarlaga. Ráðherrarnir lýsa einnig miklum áhyggjum af útvíkkun landtökubyggða á Vesturbakkanum. Þær eru ólöglegar samkvæmt alþjóðalögum. Þess er krafist að ísraelsk stjórnvöld snúi af þeirri braut. Þá er kallað eftir lausn allra gísla á Gaza og að opnað verði fyrir mannúðaraðstoð inn á Gaza.