Ish-lojtari i kombëtares angleze, Alex Oxlade-Chamberlain ka qenë lojtar i lirë që nga fundi i gushtit të këtij viti, ku u nda me klubin turk, Besiktas. Lojtari më i shtrenjtë në historinë e Arsenalit (38 milionë euro te Liverpooli) po stërvitet sot me ekipin e dytë të Arsenalit në përpjekje për të gjetur një klub të ri dhe trajneri i Arsenalit, Mikel Arteta, e konfirmoi këtë. "Një personazh i shkëlqyer, një nga më të mirët që mund të gjesh në futboll. Do të ishte mirë t'i jepnim hapësirë për të ruajtur formën e tij dhe për të gjetur një klub”. “Djemtë tanë mund të mësojnë diçka prej tij. Pata privilegjin të luaja me Alexin dhe e di që ai do të jetë një model shumë i mirë", ka thënë trajneri spanjoll. Alex Oxlade-Chamberlain is training with @Arsenal as he searches for a new club He was with the Gunners between 2011 and 2017 before leaving for Liverpool, and most recently played for Besiktas in Turkey pic.twitter.com/m5NY45Dd9p — Premier League (@premierleague) November 3, 2025 Lëndimet ia ngadalësuan karrierën Oxlade-Chamberlain luajti për Besiktasin për dy sezonet e gjysmë së fundmi. Klubi turk ia ndërpreu kontratën këtë verë pas 50 paraqitjeve dhe pesë golave. Ai humbi një pjesë të mirë të sezonit të kaluar për shkak të lëndimeve që i kanë dëmtuar karrierën. Ai e filloi karrierën e tij te Southampton dhe u bashkua me Arsenalin në vitin 2011 për 14 milionë euro. Atje ai e vendosi veten si lojtar i ekipit të parë, duke bërë 198 paraqitje. Anglezi u transferua te Liverpool në vitin 2017 dhe largimi i tij mbetet shitja më e madhe e Arsenalit ndonjëherë. Ai fitoi Ligën e Kampionëve me Liverpoolin në vitin 2019 dhe u bë kampion i Ligës Premier me të njëjtin ekip një vit më vonë. Por dëmtimet e munduan atë dhe ai u bashkua me Besiktasin si transferim i lirë në fund të vitit 2023. Ai u soll atje nga Ole Gunnar Solskjaer. Me largimin e norvegjezit nga stoli, statusi i mesfushorit anglez ra, duke bërë që klubi t'ia ndërpresë kontratën një vit para se të skadonte. /Telegrafi/