Pas 45 minutash të forta në Anfield, Liverpool dhe Real Madrid nuk kanë arritur të gjejnë rrugën e rrjetës, me rezultatin që shënon 0-0 në super-derbin e fazës së grupeve të Ligës së Kampionëve. Liverpool ka qenë mjaft aktiv, me Dominik Szoboszlai që provoi disa gjuajtje nga distanca dhe krijoi situata të rrezikshme për portën e Thibaut Courtois, duke i detyruar madrilenët të reagojnë me kujdes. Një moment i diskutueshëm erdhi në minutën e 30’, kur gjyqtari u detyrua të shqyrtojë një situatë brenda zonës së Real Madrid për një mundësi penalltie, por prekjen me dorë të Aurelien Tchouamenit, pas kontrollit me VAR vendosi të mos akordojë penallti, gjë që e la Liverpoolin të frustruar. Tchouameni es intocable dónde sea Ya ni se esconden pic.twitter.com/SFiyWTzHB7 — Pedrinho10 (@PedrinhoFCB__) November 4, 2025 Nga ana tjetër, Real Madrid gjithashtu pati disa shanse të mira, me Jude Bellingham që provoi një gjuajtje të fuqishme drejt portës. Pavarësisht rasteve të pastra nga të dyja ekipet, portierët dhe mbrojtësit ishin në nivelin e duhur, duke ruajtur portat e paprekura dhe duke garantuar një pjesë të parë me shumë intensitet, por pa gola. Super-derbi në Anfield pritet të marrë një tjetër dimension në pjesën e dytë, ku të dyja skuadrat do të kërkojnë të gjejnë golin që mund të vendosë fatin e ndeshjes. /Telegrafi/