Në puntatën e fundit të “Goca dhe Gra”, Neda Balluku, ishte e ftuar për të folur mbi ndarjen nga ish-bashkëshorti Ogren Balluku, pas 15 vitesh bashkëjetese si dhe për librin e fundit që publikoi. Në studio ajo u përball me Rozana Radin, me të cilën kishte pasur përplasje të forta gjatë Big Brother VIP Albania 4. Tensioni u ndje që në fillim, kur artistja e pyeti nëse publikimi i librit ishte i lidhur me divorcin. Foto: YouTube “Nga ty e pres këtë pyetje, por është rastësi. Nuk bëhen shaka me jetën personale”, u përgjigj Neda. Pyetjet vazhduan me tema mbi dashurinë dhe jetën personale të autores, ndërsa Rozana e ngacmoi për rolin e saj në “Përputhen”. “T’i thuash një gruaje që ka humbur dashurinë e saj të madhe se si do t’i mësojë të rinjtë të dashurojnë, nuk është në rregull", reagoi Balluku. Debati kulmoi kur Rradi e pyeti për mbajtjen e mbiemrit të ish-bashkëshortit dhe Neda iu kthye me ironi: “Është një vijë e hollë mes bisedave serioze dhe llafeve të grave". - YouTube www.youtube.com “Ka mbaruar Big-u, Rozana", shtoi tutje, duke e mbyllur diskutimin mes tensionit dhe buzëqeshjeve ironike. /Telegrafi/