Kim Kardashian ka befasuar ndjekësit me një prej fotosesionëve më sensuale dhe avangardë të karrierës së saj, duke u shfaqur topless dhe me një bust të pikturuar për editorialin e ri të Re-Edition Magazine . Në pamjet prapa skenave, të publikuara në TikTok-un e saj, Kim shihet duke mbajtur një cigare ndërsa pozon me bustin e pikturuar në stil kostumi, që i ekspozon hapur dekoltenë. Në disa sekonda, ajo e lëshon cigaren dhe më pas e merr sërish, ndërsa artistët vazhdojnë t’i lyejnë trupin nga beli e lart, shkruan The Sun . Për këtë fotosesion, ylli i realitetit ka braktisur flokët e saj të gjata të zeza, duke zgjedhur një model të shkurtër me maje, të ngjyrës bionde. Grimi ishte në stil “grunge”, me sy të nxirë dhe një kravatë të lidhur në qafë, që i jepte pamjes një ton të theksuar artistik dhe rebel. Në disa foto të tjera, Kim shfaqet me maskë dhe versione të ndryshme të kostumit të pikturuar, ndërsa në një pozë tjetër provokuese ajo vesh një pallto të gjatë të zezë, duke mbuluar me gishta një pjesë të gjoksit për të shmangur ekspozimin e plotë. Pas publikimit të fotografive në Instagram, komentet e fansave nuk vonuan. “E adhuroj! Shumë artistike,” shkroi një ndjekës. “Të gjithë kanë shkëlqyer – regjisori, seti, stilisti, grimi, flokët, fotografi! Ky është art!”, komentoi një tjetër. “Tërë jetën me ‘kostum ditëlindjeje’,” shtoi një i tretë, ndërsa një tjetër theksoi: “I shkon shumë modeli me flokë të shkurtra!”. Shumë prej fansave vunë re edhe ngjashmërinë e saj me Kris Jenner, e cila njihet për pamjen me flokë të shkurtra të zeza. “Duket njësoj si mami i saj,” shkroi një komentues, ndërsa dikush tjetër shtoi: “Po jep përshtypje të Kris Jenner”. /Telegrafi/