Në plazhin e ishullit gjerman Sylt, turistët zbuluan një breshkë të vogël deti ‘të rraskapitur’ – një pamje tepër e rrallë për Detin e Veriut. Ekspertët besojnë se bëhet fjalë për një breshkë të llojit loggerhead, e cila u soll menjëherë në Akuariumin Sylt për kujdes mjekësor. Drejtori i akuariumit, Stefan Köster, tha se kafsha është në gjendje të mirë, por mund të vuajë nga pneumonia pasi nuk mund të zhytet. Sipas Fondacionit Gjerman për Ruajtjen e Detit, breshkat loggerhead zakonisht transportohen në veri nga rrymat oqeanike dhe kanë vështirësi të mbijetojnë në ujë të ftohtë. Kjo specie është e listuar si e kërcënuar globalisht në Listën e Kuqe të IUCN-së. Nëse shëndeti i saj përmirësohet, breshka pritet të lirohet në natyrë në Francë gjatë verës. /Telegrafi/