Ditëve të fundit ka qarkulluar një projekt që duket si demo e një bashkëpunimi mes Dafina Zeqirit dhe Feros, i cili po shpërndahet gjerësisht në TikTok. Megjithatë, pa përmendur konkretisht projektin, ekipi i artistes, Moneyz, ka reaguar në rrjetet sociale. Pa përmendur reperin Fero apo projektin në fjalë, ata theksuan se projekti do të publikohet vetëm në versionin e Dafinës dhe jo si bashkëpunim. Foto: Dafina Zeqiri / Instagram “Projekti për të cilin po flitet këto ditë është versioni i bërë nga Dafina vetë, pa asnjë artist tjetër të ftuar. Versioni me ‘feat’ nuk bën pjesë në lansim dhe nuk do të publikohet. Pjesa që ka qarkulluar deri tani është vetëm një demo, një ide e papërfunduar, jo versioni final. Projekti zyrtar do të vijë, por vetëm në versionin e Dafinës”, shkroi ekipi i Moneyz. Edhe pse nuk dhanë detaje të tjera, shumë fansa aludojnë se bëhet fjalë për bashkëpunimin me Feron. Demoja e projektit është shpërndarë gjerësisht dhe është pritur shumë mirë nga audienca.