Analisti i kriptomonedhave, Ted Pillows, beson se nëse Bitcoin nuk arrin të ruajë nivelet aktuale, tregu mund të rikthehet për ta testuar zonën e 92 mijë dollarëve — një nivel që lidhet me një boshllëk ende të pambyllur në CME, të cilin Bitcoin mund të ketë nevojë ta “mbyllë” përpara se të rifillojë trendin e tij rritës. Një boshllëk në CME i referohet një diference çmimi që shfaqet në kontratat e ardhshme të Bitcoin të tregtuara në Chicago Mercantile Exchange (CME). Boshllëku krijohet sepse CME ndalon tregtimin gjatë fundjavave, ndërsa tregu i kriptovalutave funksionon 24/7. Kur rifillon tregtimi, çmimi shpesh hapet më lart ose më poshtë, duke krijuar një hapësirë që tregtarët presin të “mbushet” ndërsa tregu kthehet në atë nivel. A mund të bie çmimi i Bitcoin në 92 mijë dollarë? Rënia e çmimit në 92 mijë dollarë mund të bëhet një fushëbeteje kyçe për ‘bulls’ (tregtarët që presin ngritje). Rënia e fundit nën 100 mijë dollarëve tashmë ka shkaktuar panik dhe një valë likuidimesh, dhe një rënie tjetër do të testonte psikologjinë e tregut edhe më tej. Disa analistë e shohin këtë lëvizje të mundshme si një pastrim përfundimtar para fazës tjetër ngritëse, ndërsa të tjerë paralajmërojnë se çmimi mund të bjerë edhe më thellë, ndoshta deri në 77 mijë dollarëve. Interesant, BTC filloi rritjen e tij nga afërsisht e njëjta zonë në prill të vitit 2025, duke sugjeruar se mbështetja historike mund të luajë përsëri një rol. Trump: SHBA do të bëhet superfuqi botërore e Bitcoinit Disa tregtarë e kishin parashikuar tashmë një korrigjim të tillë. Në muajin shtator, disa analistë paralajmëruan për një tërheqje të mundshme para fazës tjetër ngritëse të Bitcoin, duke shpjeguar dy skenarë: njëri ku BTC do të rikuperonte nga 104 mijë dollarë dhe tjetri ku çmimi do të binte më thellë për të testuar nivelet më të ulëta, raporton yahoofinance . Deri tani, Bitcoin ka rënë nën 100 mijë dollarë, por nuk e ka prekur ende 98 mijë, duke lënë zona likuiditeti të paprovuar më poshtë. Kjo zonë mund të shërbejë ose si një burim rikthimi për reversim ose si një sinjal për presion më të madh në rënie. Nga ana tjetër, likuiditeti mbetet i dendur. Të dhënat e CoinGlass mbi hartën e likuidimeve shtatëditore tregojnë një grup kyç likuiditeti rreth 108,633 dollarëve, që mund të tërheqë aktivitetin e çmimit nëse BTC kthehet lart, duke shkaktuar mundësisht luhatje të çmimit ndërsa shitësit mbrojnë atë nivel. A po funksionon ende Teoria e Ciklit të Tregut apo BTC po e thyen atë? Optimizmi për “Uptober” dhe një rritje të mundshme në nëntor u bazua kryesisht në teorinë e ciklit të tregut, e cila sugjeron se kriptomonedhat lëvizin në faza katërvjeçare: akumulim, rritje, shpërndarje dhe rënie. Por, ky kuadër nuk është universal dhe sjellja e fundit e tregut tregon se po bëhet më pak e besueshme. Rënia e ashpër më 10 tetor risolli frikën dhe pesimizmin, me disa tregtarë që argumentojnë se Bitcoin tani ndodhet në fazën e shpërndarjes së ciklit të tij. Të tjerë besojnë se tregu mund të po hyn në një fazë më të gjatë, të drejtuar nga institucionet, ku forcat makroekonomike kanë më shumë rëndësi se sentimenti. Ajo që po shohim tani është një ulje e luhatshmërisë së çmimit (kompresion i volatilitetit), cikle makroekonomike më të gjata dhe një lidhje më e ngushtë me normat reale dhe rrjedhat makro, jo ‘breakout’ që bazohen thjesht në grafikë. Zohran Mamdani fitoi në New York - çfarë do të thotë kjo për botën e kriptovalutave? Sipas Arthur Cheong, CEO dhe CIO i DeFiance Capital, aktorët institucionalë mbeten kryesisht rezistent, ndërsa investitorët e thjeshtë përsëri përballen me rënien. “Shkatërrimi i pasurisë së tregtarëve të kriptovalutave nga ky cikël do të tejkalojë vitin 2022, edhe pa ndonjë entitet të madh apo protokoll që shpërthen, për shkak të shkallës së keqinvestimeve nëse Bitcoin bie edhe 20 për qind nga këtu”, tha ai. Për momentin, Bitcoin mbetet nën presion ndërsa tregtarët kërkojnë shenja stabilizimi rreth zonave kyçe të mbështetjes. Zona e 92 mijë dollarëve mund të shërbejë si një nivel i rëndësishëm teknik dhe psikologjik, veçanërisht me boshllëqet e CME dhe likuiditetit afër. Nëse kjo është faza përfundimtare e korrigjimit apo fillimi i një rënieje më të gjatë do të varet kryesisht nga tendencat makro dhe rrjedhat institucionale në javët e ardhshme. Ndryshe, çmimi aktual i kriptovalutës kryesore, Bitcoin ka vlerë mbi 101 mijë dollarësh. /Telegrafi/