Mesfushori i Tottenham Hotspur, Yves Bissouma, ka rënë viktimë e një mashtrimi që i kushtoi 950,000 euro, të gjitha të lidhura me transaksione të dyshimta në llogarinë e tij bankare. Bissouma nuk ka qenë në fushë tash e disa kohë. Pas lëndimeve, ai nuk është më në sy të mirë të trajnerit të Tottenhamit dhe është më shumë në stol sesa duke luajtur, dhe ka shumë probleme jashtë fushës. Më herët këtë vit, një orë dore me vlerë afërsisht 300,000 euro iu vodh në Kanë, dhe tani ai është nxjerrë në gjykatë për një mashtrim të rëndë në të cilin humbi 950,000 euro nga llogaria e tij bankare. View this post on Instagram A post shared by Soccer Forever (@soccerforever) Sipas mediave britanike, Bissouma dyshohet se ka humbur 950,000 euro nga llogaria e tij bankare VIP në Coutts Bank përmes mashtrimit. Humbjet ndodhën midis shtatorit 2022 dhe qershorit 2024. Një person me emrin Maurice Gomes u akuzua për gjithçka dhe u arrestua pasi lojtari paraqiti një kallëzim. Gomes akuzohet për dy akuza mashtrimi me anë të paraqitjes së rreme dhe, nëse dënohet, përballet me deri në 10 vjet burg. Të dhënat gjyqësore, të siguruara nga mediat britanike, tregojnë se Gomes dyshohet se transferoi "në mënyrë të pandershme" paratë e Bissoumas pa dijeninë ose pëlqimin e futbollistit të Spurs. Yves Bissouma had more than £800,000 “stolen” in an alleged fraud from his VIP Coutts bank account #THFC [The Sun] pic.twitter.com/4WuApR8gKj — The Spurs Web (@thespursweb) November 6, 2025 Marrëdhënia e këtij njeriu me Bissouman, i cili fiton afërsisht 60,000 euro në javë te Tottenham, nuk dihet dhe nuk është e qartë se si Gomes arriti të hynte në llogarinë e mesfushorit. I akuzuari, i cili jeton në një shtëpi me gjashtë dhoma gjumi me vlerë 1.6 milion euro në Enfield, do të paraqitet sot në Gjykatën e Magjistraturës në Highbury Corner. /Telegrafi/