Varnarmálaráðuneyti Venesúela boðaði í gær umfangsmikinn viðbúnað allra deilda hersins á landi, lofti og láði vegna hernaðaraðgerða Bandaríkjanna í Karíbahafi og austanverðu Kyrrahafi. Hermenn úr þjóðvarðliði standa vörð við útifund til stuðnings stjórn Nicolasar Maduros.EPA / RONALD PENA R Stjórnvöld í Karakas óttast að Bandaríkjastjórn hyggist steypa forsetanum Nicolas Maduro af stóli. Bandarísk stjórnvöld segjast hafa drepið minnst 76 í árásum á um það bil 20 báta sem þau segja hlaðin fíkniefnum. Þau hafa ekki enn komið fram með haldbær gögn því til sönnunar. Rússneski utanríkisráðherrann Sergei Lavrov áréttaði það í sjónvarpsviðtali í gær og kallaði Bandaríkjastjórn hömlulausa með því að ráðast að bátum á alþjóðlegu hafsvæði án dóms og laga.