Þór/KA er að fá mikinn liðsstyrk fyrir næsta tímabil í Bestu deild kvenna í fótbolta. Arna Sif Ásgrímsdóttir hefur gert tveggja ára samning við Þór/KA þar sem hún hóf meistaraflokksferilinn 14 ára. Arna Sif er 33 ára og hefur leikið með Val undanfarin þrjú ár en stutt er síðan hún sneri aftur á völlinn eftir krossbandaslit og barnsburð. Arna Sif á að baki 19 A-landsleiki og 425 meistaraflokksleiki, þar af 290 leiki fyrir Þór/KA sem hún varð Íslandsmeistari með árið 2012. Hún lék með Þór/KA árin 2007-2015 og aftur 2018-2021 eftir að hafa spilað með Val og í atvinnumennsku í Svíþjóðar og á Ítalíu. Þór/KA varð í 7. sæti Bestu deildarinnar í sumar og í efsta sæti neðri hlutans.